محکمہ موسمیات نے تیز ہوائوں کے ساتھ بارش کی پیشن گوئی کردی

آئندہ 24 گھنٹوں کے دوران اسلام آباد، بالائی پنجاب ،خیبرپختونخوا، فاٹا، ،کشمیر اور گلگت بلتستان میں کہیں کہیں، شمالی بلوچستان، وسطی اور جنوبی پنجاب میں چند مقامات پر گرج چمک اور تیزہوائوں کے ساتھ بارش ، پہاڑی علاقوں میں لینڈسلائیڈ نگ اور چند مقامات پر ژالہ باری کا امکان ہے، محکمہ موسمیات

جمعرات 19 اپریل 2018 10:00

محکمہ موسمیات نے تیز ہوائوں کے ساتھ بارش کی پیشن گوئی کردی

اسلام آباد ۔ (اُردو پوائنٹ اخبارتازہ ترین - اے پی پی۔ 19 اپریل2018ء) محکمہ موسمیات کے مطابق آئندہ 24 گھنٹوں کے دوران اسلام آباد، بالائی پنجاب ،خیبرپختونخوا، فاٹا، ،کشمیر اور گلگت بلتستان میں کہیں کہیں جبکہ شمالی بلوچستان، وسطی اور جنوبی پنجاب میں چند مقامات پر گرج چمک اور تیزہوائوں کے ساتھ بارش اور اس دوران خیبرپختونخوا، کشمیر اور گلگت بلتستان کے پہاڑی علاقوں میں لینڈسلائیڈ نگ اور چند مقامات پر ژالہ باری کا امکان ہے۔

(جاری ہے)

رپورٹ کے مطابق (آج) جمعہ کے روز اسلام آباد، بالائی پنجاب، بالائی خیبرپختونخوا، فاٹا، گلگت بلتستان اورکشمیر میں کہیں کہیں تیزہوائوں اور گرج چمک کے ساتھ بارش جبکہ اسی دوران اسلام آباد، راولپنڈی ڈویژن،ہزارہ، پشاور، کشمیر کے ملحقہ علاقوں میں چند مقامات پر موسلادھار بارش کے علاوہ بعض مقامات پر ژالہ باری کی توقع ہے۔ محکمہ موسمیات کے مطابق گزشتہ 24 گھنٹوں کے دوران اسلام آباد، راولپنڈی، ڈیرہ غازی خان،کوئٹہ ڈویژن،خیبرپختونخوا،فاٹا میں کہیں کہیں جبکہ سرگودھا ڈویژن،گلگت بلتستان اور کشمیر میں چند مقامات پر تیز ہوائوں اور گرج چمک کے ساتھ بارش ہوئی ہے۔