ہم قرآن فہمی کو بھول چکے ہیں‘پیارے نبی ؐ کی بتائی ہو ئی باتوں کو ہم نے پس پشت ڈال دیا ہے‘ہم فروعی اختلافات میں پھنس کر حقیقی اور اصلی راہ کو بھولتے جا رہے ہیں ۔ہمیں اتحاد و اتفاق کا راستہ اپنانا ہو گا

معروف مذہبی سکالر ثاقب رضا مصطفائی کا اصلاح امت کانفرنس کو ٹلی میں خطاب

جمعرات 19 اپریل 2018 14:52

کو ٹلی(اُردو پوائنٹ اخبارتازہ ترین - آئی این پی۔ 19 اپریل2018ء) معروف مذہبی سکالر ثاقب رضا مصطفائی نے کہا ہے کہ ہم قرآن فہمی کو بھول گے ہیں ۔پیارے نبی ؐ کی بتائی ہو ئی باتوں کو ہم نے پس پشت ڈال دیا ہے‘ہم فروعی اختلافات میں پھنس کر حقیقی اور اصلی راہ کو بھولتے جا رہے ہیں ۔ہمیں اتحاد و اتفاق کا راستہ اپنانا ہو گا۔بقول اقبال ہم خوار ہوئے تارک قرآن ہو کر،اقوام عالم میں مسلمانوں کا ڈھنکا صر ف اسی لئے بجتا رہا ہے کہ اللہ اور اللہ کے رسول ؐ سے محبت کرتے تھے ۔

حضورؐ کے بتائے ہوئے راستے کو مشعل راہ بناتے تھے ۔اصلاح امت کانفرنس کو ٹلی میں خطاب۔عظیم الشان اصلا ح امت کانفرنس میں عوام کی بڑی تعداد میں شرکت۔مختلف مکاتب فکر سے تعلق رکھنے والی نامور شخصیات کانفرنس میں شریک ہو ئیں ۔

(جاری ہے)

ثاقب رضا مصطفائی نے کہا کہ ہم فروعی اختلافات میں پھنس کر حقیقی اور اصلی راہ کو بھولتے جا رہے ہیں ۔ہمیں اتحاد و اتفاق کا راستہ اپنانا ہو گا۔

ہمیں فرقہ پرستی کو چھوڑ کر ایک امت بنناہو گا۔فرقوں سے نکل کر ہمیں امت بن کر اور ایک ہو کر آگے نکلنا ہو گا۔آج ہمیں حسد ،بغض ،عناد اور لالچ نے تباہ کر دیا ہے۔ہمیں جہاں اللہ اللہ کر کے وقت گزارنا چاہیے وہاں ہم نے دنیا دنیا کی رٹ لگا کر اصل راستے کو ہی چھوڑ دیا ہے۔جو درس ہمیں زندگی گزارنے کے لئے ہمارے پیارے نبی ؐ نے بتا یا اس کو ہم نے چھوڑ دیا۔

ایسی کانفرنسز اور ایسی محافل سے دلوں کو سکون ملتا ہے۔اچھی راہیں ملتی ہیں ۔اللہ اور اللہ کے رسول ؐ کی محبت ملتی ہے۔اتحاد و اتفاق کی دولت ملتی ہے۔اس موقع پر منتظمین کانفرنس معروف فوٹوجرنلسٹ وصحافی منظر بشیر،تاجر حسیب صادق اور دیگر نے پروگرام کے اختتام پر انتظامیہ کو ٹلی کا تہہ دل سے شکریہ ادا کیا جنہوں نے کانفرنس کے انعقاد میں بھر پور کردار ادا کیا۔

Facebook Twitter Google + Share on Whatsapp

معروف مذہبی سکالر ثاقب رضا مصطفائی کا اصلاح امت کانفرنس کو ٹلی میں خطاب

متعلقہ عنوان :

مزید کشمیر کی خبریں