غربت مکائو پروگرام ،چکوال کی25 یونین کونسلوں کی مستحق خواتین میں پالتوجانور مفت تقسیم

جمعرات اپریل 18:39

راولپنڈی ۔ (اُردو پوائنٹ اخبارتازہ ترین۔ 19 اپریل2018ء) محکمہ لائیوسٹاک و ڈیری ڈو یلپمنٹ کے زیراہتمام راولپنڈی ڈویژن کے ضلع چکوال کی25 یونین کونسلوں کی مستحق خواتین میں بھیڑ بکریاں مفت تقسیم کی گئیں۔

(جاری ہے)

ڈائریکٹر لائیوسٹاک راولپنڈی ڈویژن ڈاکٹر شاہد سجاد اصغر نے تقریب میں مہمان خصوصی کی حیثیت سے خطاب کرتے ہوئے کہا کہ مستحق خواتین کی کفالت کے لیے حکومت پنجاب کے غربت مکائو پروگرام کے تحت دودھ دینے والے جانور مفت تقسیم کئے جارہے ہیں- انہوں نے بتایا کہ ضلع چکوال میں 484جانور 242خواتین میں تقسیم کئیے گئے ہیں۔

ایڈیشنل ڈائریکٹر لائیوسٹاک چکوال ڈاکٹر سرفراز احمد چٹھہ اور ڈپٹی ڈائریکٹر لائیو سٹاک چکوال ڈاکٹر محمد ریاض بھی اس موقع پر موجود تھے -ڈائریکٹر لائیوسٹاک راولپنڈی نے بتایا کہ خواتین کو موبائل ٹریننگ سکول میں ٹریننگ بھی دی گئی ہے۔انہوں نے مزیدکہا کہ غربت مکائو سکیم کے تحت ان جانوروں کی تقسیم سے آمدن میں اضافے کے ساتھ ساتھ بے روزگاری کے خاتمہ میں مدد ملے گی۔