Live Updates

پریانکا چوپڑا نے سلمان خان کو کرارا جواب دے کر سب کو لا جواب کردیا

فلم ’’بھارت‘‘ سلمان خان کی اب تک کی سب سے بڑی بجٹ کی فلم ہوگی جو عید کے موقع پرریلیز ہو گی مجھے فلم’ ’بھارت‘‘ کا حصہ ہونے پر خوشی ہے بہت جلد آپ سب سے فلم کے سیٹ پر ملوں گی‘پریانکاچوپڑا

جمعہ 20 اپریل 2018 11:47

پریانکا چوپڑا نے سلمان خان کو کرارا جواب دے کر سب کو لا جواب کردیا

ممبئی(اُردو پوائنٹ اخبارتازہ ترین - این این آئی۔ 20 اپریل2018ء) معروف اداکارہ پریانکا چوپڑا نے بالی ووڈ کے سلطان سلمان خان کے طنز پر کرارا جواب دے دیا۔

(جاری ہے)

بالی ووڈ کی خوبرو اداکارہ پریانکا چوپڑا انڈسٹری میں اپنی جاندار اداکاری کی وجہ سے جانی جاتی ہیں لیکن گزشتہ تین سال سے ہالی ووڈ میں اپنی اداکاری کا جادو جگا رہی ہیں اور اب سلمان خان کی فلم ’بھارت‘ کے ذریعے بالی ووڈ میں واپسی کررہی ہیں، موقع سے فائدہ اٹھاتے ہوئے سلمان نے طنزیہ انداز میں کہا تھا کہ ’ہماری فلم ہندی ہے‘جس پر پریانکا چوپڑا نے بھی کرارا جواب دیا۔

بالی ووڈ کی صفہ اول اداکارہ پریانکا چوپڑا نے بھی سماجی رابطے کی ویب سائٹ ٹوئٹر کا سہارا لیتے ہوئے بالی ووڈ کے دبنگ سلمان خان کی جانب سے کئے گئے طنز پر ردعمل دیتے ہوئے کہا کہ ’میں یوپی کی بریلی ہوں اور ہمیشہ دیسی لڑکی ہی رہوں گی جب کہ مجھے فلم ’بھارت‘ کا حصہ ہونے پر خوشی ہے بہت جلد آپ سب سے فلم کے سیٹ پر ملوں گی۔واضح رہے کہ فلم ’بھارت‘ سلمان خان کی اب تک کی سب سے بڑی بجٹ کی فلم ہوگی جو 2018 میں عید کے موقع پر سینما گھروں کی زینت بنے گی۔