کینیڈا میں مقیم پاکستانی بزنس مین اپنے وطن کی ترقی چاہتے ہیں،نوید بخاری

گنتی کے چند لوگ فیڈریشن پر قبضہ کرنے کی فکر میں دبلے ہورہے ہیں،ایس ایم منیر نوید بخاری کے اعزاز میں ناشتے کے موقع پر گفتگو، خالدتواب،اختیار بیگ،گلزار فیروز، اور دیگر کی شرکت

جمعہ اپریل 23:38

کینیڈا میں مقیم پاکستانی بزنس مین اپنے وطن کی ترقی چاہتے ہیں،نوید بخاری
کراچی (اُردو پوائنٹ اخبارتازہ ترین۔ 20 اپریل2018ء) پاکستان کے دورے پر آئے ہوئے یونائٹیڈ بزنس گروپ(یوبی جی)کینیڈاچیپٹر کے چیئرمین اورممتاز بزنس مین نوید بخاری نے کہا ہے کہ کینیڈا میں مقیم پاکستانی بزنس مین اپنے وطن کی ترقی چاہتے ہیں جبکہ پاکستانی تاجرکینیڈا میںمحفوظ کاروبار کررہے ہیں اور انہیں وہاں بے پناہ عزت اور مقام حاصل ہے،،پاکستان اور کینیڈا کے درمیان تجارت بڑھانے کیلئے دونوں ممالک کے بزنس مین ایک دوسرے سے کے ساتھ رابطے میں رہ کر ملکی معیشت کو مزید مضبوط بنا سکتے ہیں۔

انہوں نے یہ بات اپنے اعزاز میں دیئے گئے ناشتے کے موقع پر گفتگو کے دوران کہی۔تقریب میں یو بی جی کے سرپرست اعلیٰ ایس ایم منیر،خالدتواب،گلزار فیروز،اختیار بیگ،شکیل احمد ڈھینگڑا،منیرسلطان، مسعوداحمد، راشد صدیقی،فرخ مظہر،عمران اللہ والا، اشرف میا،سمیرمیرشیخ ،نوراحمدخان نے بھی شرکت کی۔

(جاری ہے)

نوید بخاری نے کہا کہ بزنس مین دونوں ممالک میںا شیاء کی تفصیلات کا تبادلہ کریں،،پاکستان اور کینڈا کی بزنس کمیونٹی کو قریب لانے میں ٹڈاپ کے سابق چیف ایگزیکٹوایس ایم منیر کا نمایاں کردار ہے اور مستقبل قریب میںاس کے مثبت اثرات پاکستان کی ایکسپورٹس میں اضافے کی صورت میں دکھائی دیں گے۔

انہوں نے کہا کہ کینیڈا میں پاکستانی ہائی کمشنرکا بھرپورتعاون حاصل ہے جبکہ ٹورنٹو میں پاکستانی قونصل جنرل عمران صدیقی پاکستانی بزنس مینوں کا خصوصی خیال رکھتے ہیں اور انکی پاکستان اورکینیڈاکے مابین تجارت کے فروغ کیلئے کوششیں قابل تعریف ہیں۔اس موقع پریو بی جی کے سرپرست اعلیٰ ایس ایم منیر نے کہا کہ نوید بخاری کینیڈا میں پاکستانی بزنس کمیونٹی کی بے لوث خدمت کرتے ہیں اور وہ پاکستان اور کینیڈا کے درمیا ن تجارت بڑھانے کیلئے ایک پل کا کردار ادا کررہے ہیں۔

انہوں نے کہا کہ ایف پی سی سی آئی میں گنتی کے چند لوگ اپوزیشن گروپ کی شکل میں اقتدار پر قابض کرنے کیلئے دبلے ہورہے ہیں اور ہم نے بھی آئندہ الیکشن کیلئے انتخابی مہم شروع کردی ہے ، ہمارا گروپ بھرپور اندازا میں الیکشن لڑے گا اورہم ماضی میں فیڈریشن کے وسائل کو لوٹنے والے اپوزیشن رہنمائوں کو بھاگنے نہیں دیں گے ۔