شنگھائی تعاون تنظیم وزرائے خارجہ کونسل کا اجلاس منگل سے شروع ہوگا، وزیر خارجہ خواجہ محمد آصف پاکستان کی نمائندگی کرینگے

ہفتہ 21 اپریل 2018 19:22

اسلام آباد ۔ (اُردو پوائنٹ اخبارتازہ ترین - اے پی پی۔ 21 اپریل2018ء) شنگھائی تعاون تنظیم (ایس سی او)وزرائے خارجہ کونسل کا اجلاس منگل سے چین کے دارالحکومت بیجنگ میں شروع ہو رہا ہے۔وزیر خارجہ خواجہ محمد آصف اجلاس میں پاکستان کی نمائندگی کرینگے۔

(جاری ہے)

اجلاس میں علاقائی و بین الاقوامی سطح پر امن و سلامتی اور رکن ممالک کے درمیان تعاون کو فروغ دینے اور ایس سی او سربراہان مملکت کونسل کے آئندہ اجلاس کی تیاریوں کو حتمی شکل دینے سے متعلق امور کو زیر بحث لایا جائیگا۔

وزیر خارجہ خواجہ آصف اپنے چینی ہم منصب وانگ ئی اور چائنیز سٹیٹ کونسلرز کیساتھ دو طرفہ ملاقاتیں بھی کرینگے۔چینی وزیر خارجہ وانگ ئی وزرائے خارجہ کونسل کے اجلاس کی صدارت جبکہ اجلاس میں آٹھ رکن ممالک چین،کرغزستان،پاکستان،روس،تاجکستان،بھارت،قزاخستان اور ازبکستان کے وزراء خارجہ شریک ہونگے۔