پشاور زلمی لائف ٹائم اچیومنٹ ایوارڈ کی تقریب 30اپریل کو اسلام آباد میں ہوگی

تقریب میں پاکستانی کر کٹرز کے علاوہ دنیا ئے کر کٹ کے بڑے نام برائن لارا، سر ویون رچرڈ، ڈیرن سیمی،جیف تھامسن ، سابق انگلش کپتان ناصر حسین اور گراہم گوچ شرکت کریں گے

منگل 24 اپریل 2018 17:35

پشاور(اُردو پوائنٹ اخبارتازہ ترین۔ 24 اپریل2018ء) پشاور زلمی لائف ٹائم اچیومنٹ ایوارڈ کی تقریب 30اپریل کو اسلام آباد میں ہوگی، تقریب میں پاکستانی کر کٹرز کے علاوہ دنیا ئے کر کٹ کے بڑے نام برائن لارا، سر ویون رچرڈ، ڈیرن سیمی،جیف تھامسن ، سابق انگلش کپتان ناصر حسین اور گراہم گوچ شرکت کریں گے۔تفصیلات کے مطابق پشاور زلمی کے کپتان ڈیرن سیمی ٹیم کے سالانہ ایکسلینس ایوارڈ میں شرکت کیلئے دوبارہ پاکستان آئیں گے۔

اس بات کا اعلان پشاور زلمی کے سربراہ جاوید آفریدی نے مائیکروبلاگنگ سائٹ ٹوئٹر پرکیا۔

(جاری ہے)

پشاور زلمی کے سالانہ ایکسلینس ایوارڈ کی تقریب اسلام آباد میں 30اپریل کو ہوگی۔ جاوید آفریدی نے بتایاکہ تقریب میں کرکٹ کی دنیا کے بڑے نام شرکت کرنے پاکستان آئیں گے۔۔کرکٹ کی دنیاکے سابقہ بڑے ناموں میں برائن لارا، سر ویون رچرڈ بھی ڈیرن سیمی کے ساتھ اس تقریب کیلئے پاکستان آرہے ہیں۔

جاوید آفریدی نے پاکستانیوں کو یہ بھی خوشخبری دی ہے کہ آسٹریلوی بائولر جیف تھامسن ، سابق برطانوی کپتان ناصر حسین اور گراہم گوچ بھی تقریب میں شریک ہونگے۔یہ اپنی نوعیت کی پہلی تقریب ہے کہ جوکہ پشاور زلمی پی ٹی وی کے اشتراک کے ساتھ پشاور زلمی لائف ٹائم اچیومنٹ ایوارڈ کے عنوان سے منعقد کررہی ہے۔