تیراہ راجگل کوکی خیل متاثرین و ایف ڈی ایم اے حکام کے درمیان مذاکرات

منگل 24 اپریل 2018 21:44

جمرود۔ (اُردو پوائنٹ اخبارتازہ ترین - اے پی پی۔ 24 اپریل2018ء) جمرود تحصیل آفس میں ایف ڈی ایم اے کے ڈائریکٹر آٴْپریشن ناصر درانی،اسسٹنٹ پولیٹیکل ایجنٹ زاھد عثمان کاکا خیل اور تیراہ راجگل کوکی خیل سے نکل مکانی کرنے والے کوکی خیل متاثرین کے کمیٹی کے اراکین کے درمیان مذاکرات ہوئے جس میں متاثرین نے اپنے مسائل اور مطالبات ایف ڈی ایم اور پولیٹیکل انتظامیہ حکام کو آگاہ کیا اور کہا کہ 2011 سے وادی تیراہ راجگل کوکی خیل سے نکل مکانی کرکے یہاں جمرود و دیگر پرامن علاقوں میں رہائش پذیر ہیںہمارا مطالبہ ہے کہ متاثرین کو اپنے علاقے وادی تیراہ راجگل کوکی خیل کو باعزت واپسی،سروے کرکے نقصانات کا ازالہ جبکہ ملاکنڈ متاثرین طرز پر پیکج دیا جائے جس پر ایف ڈی ایم کے کے ڈائریکٹر جنرل ناصر درانی نے کہا کہ کوکی خیل متاثرین کے مطالبات جائز ہے اس لیے ان مطالبات کو منظور کرنے کے لیے عملی اقدامات کریں گے۔

(جاری ہے)

بعد از کوکی خیل قبیلے کے مشران نے جرگہ کا انعقاد کرکے کہا ہے کہ اگر ان کے جائز مطالبات نہیں مانے گئے تو پیر کے دن جرگہ طلب کرکے آئندہ لائحہ عمل طے کریں گے