اسلام آباد ٹریفک پولیس کی طرف سے ہوم سویٹ ہوم ایچ نائن اسلام آباد میں ایک روزہ روڈ سیفٹی ورکشاپ کا انعقاد

منگل 24 اپریل 2018 22:48

اسلام آباد ۔ (اُردو پوائنٹ اخبارتازہ ترین - اے پی پی۔ 24 اپریل2018ء) اسلام آباد ٹریفک پولیس کی طرف سے ہوم سویٹ ہوم ایچ نائن اسلام آباد میں ایک روزہ روڈ سیفٹی ورک شاپ کا انعقاد کیا گیا جس میں 150 سے زائد بچوں نے شرکت کی۔ بچوں کو پیدل چلنے کے اصول اور پیدل چلنے والوں کے حقوق، سڑک استعمال کرنے والوں کی اقسام، روڈ کراسنگ اور ٹریفک حادثات سے بچنے کے ساتھ ساتھ دوران ڈرائیونگ موبائل فون سننے کے خطرات، سیٹ بیلٹ کے استعمال، ہیلمٹ کے بغیر موٹر سائیکل چلانے کے خطرات، سڑک استعمال کرنے والے دیگر افراد کے حقوق کا خیا ل رکھنا، اوور ہیڈ بریج کے استعمال، زیبرا کراسنگ کا استعما ل، تیز رفتاری کے خطرات اور دیگر ٹریفک قوانین کے متعلق آگاہی فراہم کی گئی۔

اس موقع پر ایس ایس پی ٹریفک فرخ رشید کا خصوصی پیغام پڑھ کر سنایا گیا۔

(جاری ہے)

وفاقی پولیس کی طرف جاری تفصیلات کے مطابق اسلام آباد ٹریفک پولیس نے ہوم سویٹ ہوم اسلام آباد میںروڈ سیفٹی اور ٹریفک قوانین کے بارے آگاہی فراہم کرنے کیلئے ایک روزہ ورکشاپ کا انعقاد کیا جس میں 150سے زائد بچوں نے شرکت کی جن کو ایک اچھا ڈرائیور بننے کیلئے ٹریفک قوانین اور روڈ سیفٹی کے متعلق آگاہی فراہم کی گئی بچوں کو پیدل چلنے کے اصول اور پیدل چلنے والوں کے حقوق ،سڑک استعمال کرنے والوں کی اقسام، روڈ کراسنگ اور ٹریفک حادثات سے بچنے کے ساتھ ساتھ دوران ڈرائیونگ موبائل فون سننے کے خطرات، سیٹ بیلٹ کے استعما ل،ہیلمٹ کے بغیر موٹر سائیکل چلانے کے خطرات، سڑک استعمال کرنے والے دیگر افراد کے حقوق کا خیا ل رکھنا،اوور ہیڈ بریج کے استعمال، زیبرا کراسنگ کا استعما ل،تیز رفتاری کے خطرات،اور دیگر ٹریفک قوانین کے متعلق آگاہی فراہم کی گئی۔

ورکشاپ کے اختتام پر ایس پی ٹریفک چوہدری خالد رشیدنے کہا بچے ہمارے ملک کا مستقبل ہیں۔ انہوں نے مزید کہا کہ سڑک استعمال کرتے وقت دوسروں کے حقوق کا خیال اور مثبت رویہ رکھنے سے ٹریفک حادثات میں کمی لائی جا سکتی ہے نوجوان نسل ہمارا ساتھ دیں تو آئی ٹی پی کی کارکردگی میں مزید بہتری لائی جا سکتی ہے۔ اس موقع پر برانچ ہیڈ میڈم فرزانہ کے ساتھ گرلز گائیڈ سٹاف بھی موجود تھا۔

برانچ ہیڈ میڈم فرزانہ نے شرکاء سے خطاب کرتے ہوئے کہا کہ آئی ٹی پی کے افسران مشکل وقت میں عوام کو ہر ممکن مدد فراہم کرتے ہیں اور اپنی ڈیوٹی نہایت خدمت گزاری سے سرانجام دیتے ہیں انھوں نے آئی ٹی پی کے ایجوکیشن ونگ کی ان کاوشوں کی تعریف کی کہ وہ عوام کو روڈ پر اور مختلف مقامات پر جا کر انہیں روڈ سیفٹی اور ٹریفک قوانین کے متعلق آگاہی فراہم کر رہے ہیں تقریب کے اختتام پر آئی ٹی پی کی طرف سے ایس پی ٹریفک نے برانچ ہیڈمیڈم فرزانہ کو شیلڈ بھی پیش کی۔ ایس پی ٹریفک نے اس موقع پر ایس ایس پی ٹریفک فرخ رشید کا خصوصی پیغام بھی پڑھ کر سنایا۔