خواجہ آصف اپنے ہاتھ سے کھودی کھائی میں منہ کے بل گرے ،(ن) لیگ میثاق جمہوریت سے منہ موڑنے کا خمیازہ بھگت رہی ہے ‘پیپلز پارٹی

ہماری قائد کی قربانی سے جو جمہوریت قائم ہوئی نواز شریف نے اسے رسوا کیا ، تاجر پھر ڈیل کر کے باہر چلے جائینگے، خمیازہ ملک و قوم بھگتیں گے نواز شریف اور ان کے ساتھیوں نے مفادات کی سیاست کر کے جمہوری اداروں کو کمزور کیا ‘ سیکرٹری اطلاعات سینیٹر مولا بخش چانڈیو کا ردعمل

جمعرات اپریل 22:20

خواجہ آصف اپنے ہاتھ سے کھودی کھائی میں منہ کے بل گرے ،(ن) لیگ میثاق جمہوریت ..
لاہور (اُردو پوائنٹ اخبارتازہ ترین۔ 26 اپریل2018ء) پاکستان پیپلز پارٹی نے کہا ہے کہ خواجہ آصف اپنے ہاتھ سے کھودی کھائی میں منہ کے بل گرے اور (ن) لیگ میثاق جمہوریت سے منہ موڑنے کا خمیازہ بھگت رہی ہے ،ہماری قائد کی قربانی سے جو جمہوریت قائم ہوئی نواز شریف نے اس جمہوریت کو رسوا کیا ، یہ تاجر پھر ڈیل کر کے باہر چلے جائیں گے، خمیازہ ملک و قوم بھگتیں گے ۔

پیپلز پارٹی کے سیکرٹری اطلاعات سینیٹر مولا بخش چانڈیو نے وزیر خارجہ خواجہ آصف کی نااہلی پر ردعمل کا اظہار کرتے ہوئے کہا کہ عدالتوں سے سیاستدانوں کے مستقبل کا فیصلہ کروانے کی ریت خواجہ آصف نے ڈالی ،،یوسف رضا گیلانی کو افتخار چودھری کی عدالت سے اہل کروانے والا آج خود نااہل ہوگیا ،جو دوسروں کیلئے گڑھا کھودتا ہے خود ہی اس میں گرتا ہے اور خواجہ آصف اپنے ہاتھ سے کھودی کھائی میں منہ کے بل گرے ۔

(جاری ہے)

انہوں نے کہا کہ (ن) لیگ میثاق جمہوریت سے منہ موڑنے کا خمیازہ بھگت رہی ہے ،کاش (ن) لیگ میثاق جمہوریت کی روح کو سمجھتی تو آج اس طرح رسوا نہ ہوتی ،میثاق جمہوریت بینظیر شہید جیسی عظیم قائد کی سوچ اور تجربات کا نچوڑ تھا ،،نواز شریف نے میثاق جمہوریت کو بزنس ڈیل جتنی اہمیت بھی نہ دی ،،نواز شریف نے میثاق جمہوریت کو توڑا ہم نے پھر بھی دھرنوں میں جمہوریت کی خاطر نظام بچایا ،،نواز شریف اور ان کے ساتھیوں نے مفادات کی سیاست کر کے جمہوری اداروں کو کمزور کیا ،ہماری قائد کی قربانی سے جو جمہوریت قائم ہوئی نواز شریف نے اس جمہوریت کو رسوا کیا ۔

انہوںنے کہا کہ نواز شریف نے پارلیمنٹ کی بالادستی کو عدالتی فیصلوں پر بلی چڑھایا ،ہم نواز شریف کو پارلیمنٹ کا راستہ دکھاتے رہے اور وہ عدالتوں کی طرف بھاگتے رہے ،،نواز شریف نے ہماری جمہوریت جو پھر کئی دہائیاں پیچھے دھکیل دیا ،یہ تاجر پھر ڈیل کر کے باہر چلے جائیں گے، ،خمیازہ ملک و قوم بھگتیں گے ۔سینیٹر مولابخش چانڈیو نے کہا کہ شکر ہے بھٹو اور محترمہ شہید کا نظریہ پارٹی اور نشانی قوم کے پاس ہیں ،ہم چیئرمن بلاول کی قیادت میں چیئرمن بھٹو کے آئین کو من و عن نافذ کریں گے ،پی پی پی ایک بار پھر قوم سے عہد کرتی ہے کہ حقیقی جمہوریت قائم کریں گے ،ہم چیئرمن بلاول کی قیادت پارلیمنٹ کی بالادستی کیلئے جدوجہد کریں گے ،آمروں اور ضیاء کی باقیات نے جمہوریت کو جو زخم دئے وہ ہم بھریں گے ۔