Live Updates

عمران خان کے گیارہ نکات نئی بات نہیں،سینیٹر میاں عتیق شیخ

پیر 30 اپریل 2018 21:48

اسلام آباد ۔ (اُردو پوائنٹ اخبارتازہ ترین - اے پی پی۔ 30 اپریل2018ء) ایم کیو ایم پاکستان کے رہنما و سینیٹر میاں عتیق شیخ نے کہا ہے کہ عمران خان کے گیارہ نکات نئی بات نہیں، لاہور کے جلسے میں لاہوری کم اور پشوری زیادہ تھے۔

(جاری ہے)

پیر کو پارلیمنٹ ہائوس کے باہر میڈیا سے گفتگو کرتے ہوئے انہوں نے کہا کہ عمران خان نے جو گیارہ نکات پیش کئے وہ 2013ء کے عام انتخابات کے موقع پر پیش کئے تھے۔ انہوں نے کہا کہ لاہور کے جلسے میں لاہوری کم اور پشوری زیادہ تھے، عمران خان نے کے پی کے میں پانچ سال حکومت کی، عوام پوچھتے ہیں کہ وہ وہاں کیا تبدیلی لے کر آئے۔ سینیٹر میاں عتیق شیخ نے کہا کہ خطرے کی گھنٹیاں بج رہی ہیں، آنے والے وقت میں احتساب احتساب ہو گا۔