ایڈیشنل سیشن جج ایسٹ اسلام آبادنے قتل کے دو ملزمان کو عدم ثبوت کی بناء پر بری کر دیا

پیر 30 اپریل 2018 21:48

اسلام آباد (اُردو پوائنٹ اخبارتازہ ترین - آئی این پی۔ 30 اپریل2018ء) ایڈیشنل سیشن جج ایسٹ اسلام آباد زیبا چوہدری نے مشہور قتل کیس کا فیصلہ سناتے ہوئے ملزمان ظہور الحسن اور شاہنواز کو عدم ثبوت کی بناء پر شک کا فائدہ دیتے ہوئے بری کر دیا۔تفصیلات کے مطابق پیر کو ایڈیشنل سیشن جج ایس اسلام آباد زیبا چوہدری نے مشہور قتل کیس کا فیصلہ سنادیا۔

(جاری ہے)

عدالت نے دو ملزمان ظہور الحسن اور شاہنواز کو عدم ثبوت کی بناء پر شک کا فائدہ دیتے ہوئے بری کیا۔ملزمان پر الزام تھا کہ انہوں نے 28-03-14کو اسلام آباد میں پولیس فائونڈیشن میں ایک شخص ارجمند لطیف کو ان کے گھر میں قتل کر دیا تھا۔ پولیس تھانہ لوہی بھیر نے زیر دفعہ 302/34ت پ مقدمہ درج کر کے ملزمان کو گرفتار کر کے چالان عدالت کیا تھا۔ ملزمان کی طرف سے ایڈووکیٹ سید پرویز ظہور گیلانی نے پیروی کی۔