منجھوشوریٰ میں غیرت کے نام پر دوشیزہ سمیت 2افراد کو موت کے گھاٹ اُتاردیا گیا ،نصیرآباد میں خاتون کی ہلاکت معمہ بن گئی

پیر 30 اپریل 2018 23:26

ڈیرہ مراد جما لی (اُردو پوائنٹ اخبارتازہ ترین - آئی این پی۔ 30 اپریل2018ء) بلوچستان کے علاقے منجھوشوریٰ میں غیرت کے نام پر دوشیزہ سمیت 2افراد کو موت کے گھاٹ اتار دیا گیا جبکہ نصیرآباد کے علاقے بابا کوٹ میں خاتون کی پراسرار ہلاکت معمہ بن گیا۔

(جاری ہے)

اطلاعات کے مطابق گزشتہ روز منجھوشوریٰ میں ظہور نامی شخص نے فائرنگ کرکے اپنی ہمشیرہ مسماة(الف) اور اس کے مبینہ آشناء غلام حسین عرف بابو کو موت کے گھاٹ اتار دیا اور فرارہوگیا مقتولین کی لاشوں کو ضابطے کی کارروائی کے بعد ورثاء کے حوالے کردیاگیاہے جبکہ ملزم کی گرفتاری کیلئے کارروائی جاری ہے ۔

دوسری جانب نصیرآباد کے علاقے بابا کوٹ میں بی بی جمیلہ نامی خاتون کی ہلاکت معمہ بن گیا متوفی خاتون کی لاش کو گزشتہ روز ہسپتال منتقل کیا گیا جہاں ان کے شوہر محمد علی نے ان کی اہلیہ نے خودکشی کی ہے تاہم پولیس نے واقعہ کا مختلف پہلوئوں سے جائزہ لینا شروع کردیاہے ۔