ترقی پنجاب ہی نہیں پورے پاکستان کا حق ہے،تمام شہروں کی یکساں ترقی کے ویژن پر یقین رکھتے ہیں ‘شہبازشریف
کاش لاہور سے پہلے کراچی میں اورنج لائن میٹروٹرین اورمیٹروبس پراجیکٹ بنتا،ملک کاگیٹ وے ہونے کے ناطے کراچی کا ملکی وسائل پر زیادہ حق ہے کراچی کو اس کا حق دینے کی کوشش کریںگے،موقع ملاتو کراچی میں لاہور سے بڑھ کر ترقیاتی منصوبے مکمل کرائیںگے پنجاب نے قومی مالیاتی کمیشن میں خیر سگالی کے جذبے کے تحت سندھ کو 77ارب روپے سے زائد کے وسائل دیکربڑے بھائی ہونے کا کردارنبھایا پنجاب میں کرپشن کیخلاف زیروٹالرنس کی پالیسی اپنائی،پی ٹی آئی نے کے پی کے میں احتساب کمیشن بنایا اورپھر اسے غیر فعال کردیا بعض لوگ جھوٹ اورالزامات کے ذریعے معاشرے میں زہر گھول رہے ہیں،آپ سب کو سچ کا بول بالا کرنا ہے‘ملک کی ترقی کے لئے ہم آہنگی ضروری ہے،سب اداروں کو پاکستان کے لئے ملکر کام کرنا ہے‘وزیراعلیٰ پنجاب
بدھ 2 مئی 2018 21:28
(جاری ہے)
سندھ کو وسائل میں حصہ دیکرپنجاب نے بڑے بھائی ہونے کا کردارنبھایا۔
وزیراعلیٰ محمد شہبازشریف نے ان خیالات کا اظہار یہاںسندھ سے تعلق رکھنے والے سینئر صحافیوں سے ملاقات کے دوران گفتگو کرتے ہوئے کیا۔وزیراعلیٰ نے کہا کہ جلد اندرون سندھ کے دوروں کا آغاز کروں گااورسندھ میں مسلم لیگ (ن) کی تنظیم کو زیادہ مضبوط اورموثر بنائیںگے۔انہوںنے کہا کہ الیکشن کی آمد آمد ہے ،امید ہے عام انتخابات منصفانہ اورشفاف ہوں گے اورتمام سیاسی جماعتوں کو یکساں مواقع ملیںگے۔وزیراعلیٰ نے کہا کہ پاکستان مسلم لیگ(ن) بھر پور انتخابی مہم چلائے گی۔عمران خان نے کوئی نئے نکات نہیں دیئے۔عوام کارکردگی کی بنیاد پر ووٹ دیںگے۔ہم اپنا مقدمہ عوام کے سامنے لے کرجائیںگے۔ انہوںنے کہا کہ آبادی بڑھنے کے ساتھ وسائل میں اضافہ بہت ضروری ہے اورکشکول توڑنے کے لئے ٹھوس اقدامات کی ضرورت ہے ۔ہم نے پنجاب میں کرپشن کے خلاف زیرو ٹالرنس کی پالیسی اپنائی ہے ۔پی ٹی آئی نے کے پی کے میں احتساب کمیشن بنایا اورپھر اسے غیر فعال کردیا جبکہ ہم نے پنجاب میں کرپشن کو بہت حد تک کنٹرول کیا ہے۔منصوبوں میں شفافیت کے ذریعے کئی سو ارب روپے کی بچت کی ہے ۔پاکستان کی تاریخ میں ایسی بے مثال بچت کی کوئی نظیر نہیں ۔وزیراعلیٰ نے کہا کہ پاکستان کی 70سالہ تاریخ میں چار مارشل لاء لگے اورمارشل لاء کے ادوار میں ملک پیچھے کی طرف گیا۔انہوںنے کہا کہ بعض لوگ جھوٹ اورالزامات کے ذریعے معاشرے میں زہر گھول رہے ہیں ۔آپ سب کو سچ کا بول بالا کرنا ہے ،اسی سے معاشرہ توانا ہوگا۔ہمارا ایجنڈا پاکستان کی ترقی اورخوشحالی ہے اورمیں آزادی صحافت کے حق میں ہوں ۔انہوںنے کہاکہ جنوبی پنجاب کی ترقی اورخوشحالی کیلئے آبادی کے تناسب سے زیادہ وسائل فراہم کیے گئے ہیں ۔جنوبی پنجاب میں بچیوںکی انرولمنٹ یقینی بنانے کیلئے وظیفہ کی شرح ایک ہزار روپے کردی گئی ہے اورجنوبی پنجاب میں تعلیم ،صحت اورٹرانسپورٹ کے شعبے میں میگا پراجیکٹس مکمل کیے گئے ہیں ۔اربوں روپے کے پراجیکٹس پر تیزی سے کام جاری ہے ۔ وزیراعلیٰ نے کہا کہ ملک کی ترقی کیلئے ہم آہنگی ضروری ہے اورسب اداروں کو پاکستان کیلئے ملکر کام کرنا ہے اورآئین کے اندر رہتے ہوئے ہر ادارے کو اپنا مثبت کردارنبھاناہے۔انہوںنے کہا کہ آئندہ الیکشن میںپبلک سروس اورپارٹی سے وابستگی رکھنے والوں کو ترجیح دیںگے۔سندھ کے صحافیوںنے اس موقع پر اظہار خیال کرتے ہوئے کہا کہ لاہور سمیت پنجاب میں ترقی قابل تحسین ہے۔لاہور کی ترقی کے سندھ میں بہت چرچے ہیں۔اندرون سندھ کے لوگ تبدیلی چاہتے ہیں ۔ انہوںنے کہا کہ سندھ اورکراچی کو شہبازشریف جیسا لیڈر چاہیے۔شہبازشریف کچھ عرصہ کیلئے کراچی آجائیں تاکہ کراچی کی محرومیاں دوراورمسائل حل ہوں۔مزید اہم خبریں
-
سٹاک مارکیٹ کی تیزی معاشی استحکام کی علامت ہیں،محمد اورنگزیب
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.