Live Updates

ریسکیو1122کی طرف سے سیلاب سے بچائو کیلئے بی آر بی نہرگنڈا سنگھ پرمشقوں کا انعقاد

جمعہ 4 مئی 2018 12:06

قصور۔4 مئی(اُردو پوائنٹ اخبارتازہ ترین - اے پی پی۔ 04 مئی2018ء) ریسکیو1122قصور کی طرف سے سیلاب سے بچائو کیلئے بی آر بی نہرگنڈا سنگھ کے مقام پر مشقیں کی گئیں ان مشقوںکا مقصد دوران سیلاب استعمال ہونے والے آلات کی کارگردگی کا جائزہ لینا اور ریسکیو سٹاف کی کارگردگی میں مزید بہتری پیدا کرنا ہے ۔

(جاری ہے)

اس موقع پر پی ڈی ایم اے کے افسران مسٹر تیمور اور مسٹر بدر منیر نے مشقوں کا معائنہ کیا ڈسٹرکٹ ایمرجنسی آفیسر ڈاکٹر فرزند علی نے پی ڈی ایم اے کے افسران کو ریسکیو1122قصور کی سیلاب سے نمٹنے کی تیاریوں پر تفصیلی بریفنگ دی ۔

پی ڈی ایم اے افسران نے ریسکیو1122قصور کی تیاریوںپر اطمینان کا اظہار کیا۔واضح رہے کہ برسات کے موسم میں دریائے ستلج میں طغیانی کی وجہ سے قصور میں موجود درجنوں دیہات زیرآب آجاتے ہیں‘متاثرین سیلاب کی مدد کرنے میں ریسکیو1122ہراول دستے کا کردار ادا کرتی ہے۔