انٹر میڈیٹ کے سالانہ امتحانات کل سے شروع ہوں گے

جمعہ 4 مئی 2018 12:43

فیصل آباد۔4 مئی(اُردو پوائنٹ اخبارتازہ ترین - اے پی پی۔ 04 مئی2018ء) اعلیٰ و ثانوی تعلیمی بورڈز فیصل آباد ، سرگودھا ، ساہیوال ، راولپنڈی ، گوجرانوالہ ، بہاولپور ، ملتان ، ڈی جی خان ، لاہور سمیت صوبہ بھر میں انٹر میڈیٹ پارٹ ٹو و کمپو زٹ کے سالانہ امتحانات2018ء کل ہفتہ 5 مئی سے شروع ہو رہے ہیں جس کیلئے تمام طلباء و طالبات کو رول نمبر سلپیں جاری کر دی گئی ہیں جبکہ اعلیٰ و ثانوی تعلیمی بورڈ فیصل آباد نے ڈویژن بھر میں۱ٓج 5مئی بروز ہفتہ سے شروع ہونے والے انٹرمیڈیٹ پارٹ ٹو و کمپوزٹ سالانہ کاامتحان دینے والی85925 طلباء وطالبات کیلئی297 امتحانی مراکز قائم کردیئے ہیں ۔

بورڈآف انٹرمیڈیٹ اینڈ سیکنڈری ایجوکیشن فیصل آباد کے ذرائع نے بتایاکہ امتحانی سنٹرز پر تعینات کئے جانیوالے عملہ کی تربیت کاعمل بھی مکمل کر لیاگیاہے۔

(جاری ہے)

انہوںنے بتایاکہ امتحانات کے سلسلہ میں تمام امیدواران کو بذریعہ ایس ایم ایس ان کے رول نمبر سے مطلع کر دیا گیا ہے تاہم پرائیویٹ طلباء وطالبات کو ان کے داخلہ فارموں پر دیئے گئے گھروں کے پتہ جات پر بھی ان کی رول نمبر سلپس ارسال کر دی گئی ہیں جبکہ ریگولر طلباء وطالبات کے تعلیمی ادارے اپنے اکائونٹ سے پاس ورڈ اور یوزر نیم لکھ کر اپنے طلباء وطالبات کی رول نمبر سلپس نکال سکتے ہیں۔

انہوںنے کہاکہ اگر کسی امیدوار کو ابھی تک اس کی رول نمبر سلپ موصول نہ ہو ئی ہو تو وہ فوری طور پر دستاویزی ثبوت کے ہمراہ ایجوکیشن بورڈ واقع جھنگ روڈ فیصل آباد کی انٹر برانچ سے بالمشافہ رابطہ کرکے رول نمبر سلپ حاصل کرسکتاہے۔

Facebook Twitter Google + Share on Whatsapp

انٹر میڈیٹ کے سالانہ امتحانات کل سے شروع ہوں گے

متعلقہ عنوان :

مزید تعلیم کی خبریں