ایران خطے میں انتشار پھیلانے کا سبب ہے ،پینٹاگون کا ایران اسرائیل بڑھتے تنائو پر شدیر رد عمل

ایران خطے میں عدم استحکام پیدا کرنے میں ملوث ہے، شام میں بھی امن کے لئے خطرہ ہے،ترجمان پینٹگون ڈانا وائٹ

جمعہ 4 مئی 2018 18:14

واشنگٹن(اُردو پوائنٹ اخبارتازہ ترین - آئی این پی۔ 04 مئی2018ء) پینٹاگون نے ایران اسرائیل مابین بڑھتے تنائو پر شدیر رد عمل کا اظہار کرتے ہوئے کہا ہے کہ ایران خطے میں انتشار پھیلانے کے عمل کو جاری رکھے ہوئے ہے، ایرانخطے میں عدم استحکام پیدا کرنے میں ملوث ہے، جہاں ایران ہوتا ہے وہاں انتشار جنم لیتا ہے، ایران شام میں بھی امن کے لئے خطرہ ہے۔ غیر ملکی میڈیا کے مطابق امریکی وزارت دفاع پینٹاگون کی ترجمان ڈانا وائٹ نے ایران پر کڑی نکتہ چینی کی ۔

ترجمان وائٹ نے ہفتہ وار پریس کانفرس میں ایران۔اسرائیل کشیدگی کے موضوع پر اخباری نمائندوں کو بریفنگ دی۔وائٹ نے ایران اور اسرائیل کے درمیان بڑھنے والے تناؤ سے پنٹا گون کو خدشات لاحق ہونے یا نہ ہونے کے حوالے سے ایک سوال کے جواب میں کہا کہ ایران خطے میں انتشار پھیلانے کے عمل کو جاری رکھے ہوئے ہے۔

(جاری ہے)

انہوں نے کہا کہ یہ ملک خطے میں عدم استحکام کا ماحول پیدا کرنے میں سرگرم ہے، یہ اس مقصد کے ساتھ حزب اللہ اور حوثیوں کو آلہ کار بنا رہا ہے۔

یہ چیز ہمارے لیے باعثِ اندیشہ ہے، جہاں پر ایران ہوتا ہے وہاں پر انتشاری ماحول جنم لیتا ہے۔ لہذا شام ایک پیچیدہ جنگ کا میدان ہے اور ایران یہاں پر اپنے اثرِ رسوخ کا استعمال کر رہا ہے۔ایران اور اسرائیل کے درمیان کسی ممکنہ جھڑپ کی صورت میں امریکہ کا کردار کیا ہونے پر مبنی ایک سوال کا جواب دیتے ہوئے وائٹ نے بتایا کہ ، ہم، ہمیشہ اپنے تحفظ کے حصول میں کوشاں رہتے ہیں تا ہم شام میں امریکہ کا واحد مشن داعش کے خلاف جنگ ہے۔