پاکستان کی تقدیر کا فیصلہ عوام کی قوت کریگی،میاں عبد المنان

ن) لیگ جمہوریت دشمن قوتوں سے تنہا لڑ رہی ہے، آئندہ انتخابات میں پہلے سے زیادہ اکثریت سے کامیاب ہو کر حکومت بنائیگی، صحافیوں سے گفتگو

جمعہ مئی 20:42

اسلام آباد (اُردو پوائنٹ اخبارتازہ ترین۔ 04 مئی2018ء) مسلم لیگ(ن) کے رکن قومی اسمبلی میاں عبد المنان نے کہا کہ پاکستان کی تقدیر کا فیصلہ عوام کی قوت کرے گی، مسلم لیگ (ن) تمام جمہوریت دشمن قوتوں سے تنہا لڑ رہی ہے، آئندہ انتخابات میں مسلم لیگ (ن) پہلے سے بھی زیادہ اکثریت سے کامیاب ہر کر ملک کے اندر حکومت بنائے گی۔

(جاری ہے)

جمعہ کو پارلیمنٹ ہائوس کے باہر میڈیا سے گفتگو کرتے ہوئے انہوں نے کہا کہ عمران خان تو روزانہ 3بار وزیر اعظم بننے کا خواب دیکھتے ہیں، سب جانتے ہیںکہ ملک کے اندر اس وقت کیا ہو رہا ہے اور کون سی خلائی مخلوق اپنا کام کر رہی ہے۔

مسلم لیگ (ن) تمام جمہوریت دشمن قوتوں سے تنہا لڑ رہی ہے اور چپ اس لئے ہیتاکہ ملک کا امن و امان برقرار رہے۔ آئندہ انتخابات میں مسلم لیگ (ن) پہلے سے بھی زیادہ اکثریت سے کامیاب ہر کر ملک کے اندر حکومت بنائے گی۔ پاکستان کی تقدیر کا فیصلہ عوام کی قوت کرے گی۔ مسلم لیگ(ن) انتخابات میں بھرپور شرکت کرے گی اور ملک کے اندر جمہوریت کو مستحکم کرنے کیلئے اپنا کردار ادا کرتی رہے گی ۔