ریسکیو 1122کے صوبا ئی ہیڈ کو ارٹر میں ورلڈ فا ئر فا ئیٹر ڈے کے حو الے سے تقریب کا انعقاد

جمعہ 4 مئی 2018 23:33

پشاور۔ (اُردو پوائنٹ اخبارتازہ ترین - اے پی پی۔ 04 مئی2018ء) ایمر جنسی ریسکیو سروسز ریسکیو 1122کے صوبا ئی ہیڈ کو ارٹر میں ورلڈ فا ئر فا ئیٹر ڈے کے حو الے سے تقریب کا انعقاد کیا گیا ۔ ریسکیو 1122کی جا نب سے اس دن کو منا نے کا مقصد عوام میںفا ئرفا ئیٹرز سے متعلق آگا ہی اور شعور بید ار کر نا ہے ۔اس موقع پر سیکرٹری ریلیف ذوالفقار علی شاہ ، ڈائر یکٹر جنرل ڈاکٹرخطیر احمد اور دیگر افسران نے ریسکیو 1122کے فا ئر فا ئیٹرز کوخر اج تحسین پیش کیا ۔

اس موقع پر ڈاکٹر خطیر احمد نے کہا کہ کسی بھی آگ لگنے کے واقعہ کے موقع پر لو گ خوف زدہ ہو کر دور بھا گتے ہیں جبکہ یہ جو ان اپنی جا نوں کی پر واہ کیے بغیر آگ کے شعلوں میں کود کر ان میں پھنسے افراد کو نکا لتے ہیں، ریسکیواہلکار اب تک ہزاروں قیمتی جا نو ں کو بچا چکے ہیں جبکہ اربو ں روپے ما لیت کے املاک کو بھی محفو ظ بنا یا گیا ہے۔

(جاری ہے)

ڈاکٹر خطیر احمد نے کہا کہ ریسکیو 1122کے تربیت یا فتہ فا ئر فائیٹر ز نے صوبے میںاب تک 6ہزار سے زائد آگ لگنے کہ واقعات جبکہ صرف پشاور میں 4ہزار کے قریب آگ کے واقعات میںپیشہ ورانہ خدما ت فراہم کی ہیں،ان واقعا ت میں زخمی ہونے والے افراد کوطبی امداد فراہم کرتے ہو ئے ہسپتال منتقل کیا گیا ۔

ریسکیو 1122 کے پاس آگ بجھا نے کی54فا ئر وہیکلز اور24واٹر براؤزر، 6منی فائر ٹینڈر اور 4موٹر سائیکل فائرٹینڈر مو جود ہیں جبکہ 300سے زائدفائر فائیٹرز فر ائض سرانجا م دے رہے ہیں ۔آخر میں انہو ں نے بہترین فا ئر فائیٹرز کو نما یا ں کا رکر دگی پیش کرنے پر نقد انعا مات اور توصیفی اسناد بھی تقسیم کیں ۔