اصغر خان کیس ،ْسابق آرمی چیف اسلم بیگ اور سابق ڈی جی آئی ایس آئی ایس اسد درانی کی نظرثانی درخواستیں مسترد

اصغر خان کیس کا فیصلہ اکتوبر 2012 میں آیا، اتنا وقت گزرنے کے باوجود فیصلے پر عملدرآمد کیوں نہیں کیا گیا ،ْ چیف جسٹس کاا ٹارنی جنرل سے مکالمہ عدالتی فیصلے پر عملدرآمد سے متعلق معلوم کرنے کیلئے 2 دن کا وقت دیا جائے ،ْ اٹارنی جنرل … رات دس بجے تک عدالت کو آگاہ کریں ،ْچیف جسٹس بطور آرمی چیف کوئی حکم نہیں دیا تھا، پیسوں کی تقسیم سے مجھے کچھ نہیں ملنا تھا، میں نے ادارے کی ذمہ داریوں سے پہلو تہی نہیں کی ،ْجنرل اسلم بیگ

پیر مئی 18:57

اصغر خان کیس ،ْسابق آرمی چیف اسلم بیگ اور سابق ڈی جی آئی ایس آئی ..
اسلام آباد (اُردو پوائنٹ اخبارتازہ ترین۔ 07 مئی2018ء) سپریم کورٹ نے اصغر خان کیس میں عدالتی فیصلے پر عملدرآمد سے متعلق سابق آرمی چیف مرزا اسلم بیگ اور سابق ڈی جی آئی ایس آئی اسد درانی کی نظر ثانی درخواستیں مسترد کردیں۔ پیر کو چیف جسٹس پاکستان جسٹس میاں ثاقب نثار کی سربراہی میں تین رکنی بینچ نے اصغر خان کیس نظرثانی درخواستوں کی سماعت کی۔

عدالت کے طلب کیے جانے پر اٹارنی جنرل پیش ہوئے جن سے استفسار کرتے ہوئے چیف جسٹس نے کہا کہ اصغر خان کیس کا فیصلہ اکتوبر 2012 میں آیا، اتنا وقت گزرنے کے باوجود فیصلے پر عملدرآمد کیوں نہیں کیا گیا۔اس موقع پر اٹارنی جنرل نے مؤقف اختیار کیا کہ عدالتی فیصلے پر عملدرآمد سے متعلق معلوم کرنے کیلئے 2 دن کا وقت دیا جائے جس پر چیف جسٹس نے کہا کہ دو دن نہیں رات ساڑھے 10 بجے تک معلوم کر کے عدالت کو آگاہ کریں۔

(جاری ہے)

چیف جسٹس نے ریمارکس دیے کہ عدالت نے نظر ثانی درخواستیں منظور کیں تو فیصلہ کالعدم ہوجائیگا ،ْ عدالت فیصلے پر عملدرآمد نہ کرنے والوں پر ذمے داری کا تعین بھی کریگی۔سابق آرمی چیف مرزا اسلم بیگ نے کہا کہ ایسا کوئی کام نہیں کیا جو ادارے کے خلاف ہو، بطور آرمی چیف کوئی حکم نہیں دیا تھا، پیسوں کی تقسیم سے مجھے کچھ نہیں ملنا تھا، میں نے ادارے کی ذمہ داریوں سے پہلو تہی نہیں کی۔

سابق آرمی چیف اسلم بیگ نے کہا کہ یونس حبیب سندھ رجمنٹ سینٹر کا کنٹریکٹر تھا جس نے رجمنٹ سینٹر کو مسجد عطیہ کی اور اس کے علاوہ یونس حبیب سے کوئی بات نہیں ہوئی۔۔سپریم کورٹ نے مرزا اسلم بیگ اور اسد درانی کی نظرثانی درخواستیں مسترد کرتے ہوئے اصغر خان کیس کے فیصلے پر عملدرآمد سے متعلق اٹارنی جنرل کو نوٹس جاری کردیا۔۔عدالت نے کہا کہ اٹارنی جنرل بتائیں حکومت نے اصغر خان کیس پر عملدرآمد کے لیے کیا اقدامات کیے۔

سپریم کورٹ نے ڈی جی ایف آئی اے کو بھی نوٹس جاری کرتے ہوئے کہا کہ وہ بتائیں عدالتی فیصلے پر عملدرآمد کے لیے کیا اقدامات کیے۔۔عدالت نے کیس کی مزید سماعت (آج) منگل کی صبح تک کیلئے ملتوی کردی۔کیس سے متعلق عدالت کو آگاہ کرتے ہوئے اصغر خان کے وکیل سلمان اکرم راجا کا کہنا تھا کہ عدالت نے اپنے فیصلے میں قرار دیا تھا کہ سابق آرمی چیف مرزا اسلم بیگ اور اسد درانی نے خلاف آئین کام کیا جس پر اسد درانی کے وکیل شاہ خاور نے کہا کہ عدالت نے رقم لینے والے سیاستدانوں کے خلاف تحقیقات کا بھی حکم دیا تھا۔

وکیل سلمان اکرم راجا نے عدالت کو بتایا کہ اکتوبر 2012 تا مارچ 2013 تک سابق اور پھر نگراں حکومتیں رہیں اور جون 2013 سے اب تک موجودہ حکومت نے عدالتی فیصلے پر عمل درآمد نہیں کیا۔۔سماعت کے آغاز پر چیف جسٹس نے استفسار کیا 'جنرل ریٹائرڈ اسلم بیگ کہاں ہیں، وہ تشریف لائے ہیں' جس پر عدالت کو بتایا گیا کہ وہ موجود ہیں۔۔چیف جسٹس نے کہا کہ جنرل صاحب روسٹرم پر آجائیں جس کے بعد جنرل (ر) اسلم بیگ روسٹرم پر آئے اور کہا کہ مجھے صرف ایک روز قبل کیس مقرر ہونے کا بتایا گیا ہے ،ْ میں کیس کی تیاری نہیں کرسکا۔

چیف جسٹس نے ریمارکس دبیے کہ جنرل صاحب کسی صورت میں کیس کی سماعت ملتوی نہیں کی جائے گی ،ْاگر آپ کے وکیل نہیں ہیں تو دلائل خود شروع کردیں۔یاد رہے کہ 1990 میں اسلامی اتحاد کی تشکیل اور انتخابات میں دھاندلی کیلئے سیاستدانوں میں رقوم کی تقسیم سے متعلق ایئر فورس کے سابق سربراہ اصغر خان مرحوم نے سپریم کورٹ سے رجوع کیا تھا۔۔سپریم کورٹ نے 2012 میں اس کیس کا فیصلہ سناتے ہوئے اسلامی جمہوری اتحاد کی تشکیل کیلئے مسلم لیگ (ن) کے قائد میاں نواز شریف سمیت دیگر سیاست دانوں میں رقوم تقسیم اور 1990 کے انتخابات میں دھاندلی کی ذمہ داری مرزا اسلم بیگ اور آئی ایس آئی کے سابق سربراہ لیفٹیننٹ جنرل ریٹائرڈ اسد درنی پر عائد کی تھی۔

سپریم کورٹ نے اپنے فیصلے میں مرزا اسلم بیگ اور اسد درانی کے خلاف کارروائی کا بھی حکم دیا تھا۔ مرزا اسلم بیگ اور اسد درانی نے سپریم کورٹ کے فیصلے کے خلاف سپریم کورٹ میں ہی نظرثانی اپیل دائر کر رکھی تھیں جنہیں عدالت نے مسترد کردیا۔