گورنرسندھ محمد زبیر سے گورنر ہائوس میں میئر کراچی وسیم اختر کی ملاقات
وفاق کے تحت شہر میں جاری ترقیاتی منصوبوں ،کراچی ترقیاتی پیکج اور عوامی فلاح و بہبود کے دیگر امور پر تفصیلی تبادلہ خیال کیا گیا کراچی روشنیوں کا شہر بن رہا ہے، ترقیاتی کام وقت کی اہم ضرورت ہیں اس ضمن میں وفاق کا تعاون جاری رہے گا ، گورنرسندھ
جمعرات 10 مئی 2018 22:22
(جاری ہے)
انہوں میں کہا کہ ملک کی معاشی شہ رگ اقتصادی ترقی میں ریڑھ کی ہڈی کی حیثیت رکھتا ہے ، شہر میں صنعتی فعالیت ، تجارتی و کاروباری سرگرمیوں اور ثقافتی ، ادبی ، تفریحی سرگرمیوں اور سماجی گہما گہمی میں مزید اضافہ کے لئے ترقیاتی کام وقت کی اہم ترین ضرورت ہیں اس ضمن میں موجودہ حکومت شہر کی ترقی و خوشحالی کے لئے بھرپور تعاون ، مدد اور معاونت فراہم کررہی ہے۔
انہوں نے کہا کہ شہر میں وفاق کے تحت 75 ارب روپے سے ترقیاتی کام کئے جائیں گے جن میں لیاری ایکسپریس وے منصوبہ مکمل ہوچکا ہے جبکہ گرین لائن ، K-IV ،M-9 اور دیگر ترقیاتی منصوبے مختلف مراحل میں ہیں۔ گورنرسندھ نے کہا کہ گذشتہ روز کراچی ترقیاتی پیکج کے تحت چار بڑے منصوبوں کا اعلان کردیا ہے ، ان منصوں میں 2.35 ارب روپے کی تخمینی لاگت سے تین فلائی اوورز سخی حسن ، فائیو اسٹار اور بورڈ آفس پر تعمیر کئے جا ئیں گے ،3.5 ارب روپے کی تخمینی لاگت سے منگھو پیر روڈ دو مراحل میں مکمل ہوگااور 860 ملین روپے کی تخمینی لاگت سے نشتر روڈ تعمیر کیا جائے گا جبکہ 1.9 ارب روپے سے شہر میں فائر فائٹنگ کے نظام کو جدید خطوط پر استوار کیا جائے گا اس ضمن میں فائر فائٹنگ آلات ،فائر ٹینڈرز ، مشینیں اور گاڑیوں سمیت دیگر ضروری سامان سے بلدیہ عظمیٰ کراچی کے فائر ڈیپارٹمنٹ کو فعال کرنے میں مدد ملے گی ۔ انہوں نے کہا کہ شہر کی ترقی کے لئے امن ، توانائی ،سماجی شعبہ کی ترقی اور انفرااسٹرکچر کی بحالی و ترقی پر وفاقی حکومت بھرپور تعاون فراہم کررہی ہے تاکہ شہر کی استعداد سے بھرپور استفادہ حاصل کیا جا سکے ،شہر میں جاری ترقیاتی منصوبوں کی تکمیل سے عوام کو دور جدید کی سہولیات حاصل ہونگی ۔ ملاقات میں میئر کراچی وسیم اختر نے گورنرسندھ سے کہا کہ وفاق کے کراچی ترقیاتی پیکج میں شہر کی ترقی و خوشحالی کے ضمن میں انھیں بھرپو ر انداز میں شامل کرنے سے شہر کے دیرینہ مسائل حل اور عوام کو معیاری سہولیات حاصل ہونگی جس پر وہ گورنرسندھ کے شکر گذار ہیں ، وفاق کے تعاو ن سے شہر کی ترقی یقینی ہے ،شہر کے مکین وفاق کے تعاون کو قدر کی نگاہ سے دیکھتے ہیں اور با الخصوص گورنرمحمد زبیر کی کوششوں کو قابل ستائش قرار دیتے ہیں ۔مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.