کراچی ،ْ طلباء کو مفت فراہم کی جانے والی درسی کتابیں کباڑی کے گودام سے برآمد

لانڈھی میں پولیس نے کباڑ کے گودام پر چھاپہ مار کر بڑی تعداد میں کتابیں برآمد کیں ،ْرپورٹ

ہفتہ 19 مئی 2018 13:49

کراچی ،ْ طلباء کو مفت فراہم کی جانے والی درسی کتابیں کباڑی کے گودام ..

کراچی (اُردو پوائنٹ اخبارتازہ ترین - این این آئی۔ 19 مئی2018ء) کراچی میں طالب علموں کو مفت فراہم کرنے کے لیے رکھی جانے والی درسی کتابیں کباڑی کے پاس پہنچنے کے انکشاف کے بعد پولیس نے کارروائی کرکے کراچی کے علاقے لانڈھی سے سندھ ٹیکسٹ بورڈ کی کتابوں کی بڑی تعداد ایک کباڑ کے گودام سے برآمد کرلیں۔

(جاری ہے)

ڈپٹی سپرنٹنڈنٹ پولیس (ڈی ایس پی) لانڈھی لعل بخش سولنگی نے پریس کانفرنس کے دوران بتایا کہ لانڈھی میں پولیس نے کباڑ کے گودام پر چھاپہ مار کر بڑی تعداد میں کتابیں برآمد کیں۔

برآمد کی جانے والی کتابیں لاکھوں روپے مالیت کی ہیں جو طلباء کو مفت فراہمی کی جانی تھیں۔ڈی ایس پی لانڈھی نے بتایا کہ برآمد کتب کا وزن 2 ہزار 5 سو کلوگرام کے لگ بھگ ہے۔انہوں نے بتایا کہ کباڑی رضوان نے تمام کتابیں 12 اور 13 روپے کلو کے حساب سے خریدی تھیں، جنہیں گتہ فیکٹری لے جایا جا رہا تھا۔واقعہ کا مقدمہ محکمہ تعلیم کے افسر کی مدعیت میں مقدمہ درج کرکے کباڑی رضوان کو گرفتار کرلیا گیا، جس سے تفتیش شروع کر دی گئی