لاہور، گریڈ22 کے آفیسرمحمد آفتاب اکبر کو چیف ایگزیکٹوآفیسر سینئرجنرل

منیجرپاکستان ریلویز تعینات کرنے کے احکامات

ہفتہ 19 مئی 2018 20:35

لاہور (اُردو پوائنٹ اخبارتازہ ترین - آن لائن۔ 19 مئی2018ء) وزیراعظم کی منظوری کے بعد وزارتِ ریلوے نے کمرشل ٹرانسپورٹیشن گروپ کے گریڈ22 کے آفیسرمحمد آفتاب اکبر کو چیف ایگزیکٹوآفیسر/سینئرجنرل منیجرپاکستان ریلویز تعینات کرنے کے احکامات جاری کیے ہیں۔ اس سے پہلے وہ پریکس میں بطور منیجنگ ڈائریکٹر اپنے فرائض سرانجام دے رہے تھے۔

(جاری ہے)

تفصیلات کے مطابق چیف ایگزیکٹوآفیسر پاکستان ریلوے محمد آفتاب اکبر نے 1984میں ریلوے جوائن کیاان کا تعلق12ویں کامن سے ہے۔

انہیں دوسرے محکموں میں بھی کام کرنے کی پیشکش ہوئی لیکن انہوں نے ہمیشہ ریلوے کو ترجیح دی۔ اس سے پہلے وہ یارڈ پشاور ڈویژن، ڈویژنل کمرشل آفیسر راولپنڈی، ڈویژنل پرسانل آفیسرورکشاپ ڈویژن، ڈویژنل ٹرانسپورٹیشن آفیسرپورٹس کراچی، ریلوے ہیڈکوارٹرز میں چیف آپریٹنگ سپرنٹنڈنٹ، وزارتِ ریلوے میں ڈائریکٹر ایڈمن، ڈی جی آپریشنز اور سیکرٹری ریلوے بورڈ کے اہم عہدوں پر فرائض سرانجام دے چکے ہیں۔