بلاول بھٹو زرداری کی کرنل سہیل عابد شہید کی رہائش گاہ پر جاکر اہلخانہ سے تعزیت

منگل مئی 19:59

بلاول بھٹو زرداری کی کرنل سہیل عابد شہید کی رہائش گاہ پر جاکر اہلخانہ ..
اسلام آباد(اُردو پوائنٹ اخبارتازہ ترین۔ 22 مئی2018ء) چیئرمین پیپلز پارٹی بلاول بھٹو زرداری نے کرنل سہیل عابد شہید کی رہائش گاہ پر جاکر ان کے خاندان سے اظہار تعزیت کیا ہے ۔۔بلاول بھٹو نے شہید کے والد اور بچوں سے اظہار افسوس کیا۔ بلاول بھٹو نے کرنل سہیل عابد شہید کے بچوں سے پیار کیا۔

(جاری ہے)

بلاول بھٹو زرداری نے کہا کہ جب کوئی دہشت گردوں کے ہاتھوں شہید ہوتا تو مجھے بھی درد ہوتا ہے مگر یہ بات باعث حوصلہ ہوتی ہے دھرتی ماں کے بیٹے اس کے دشمنوں کے ناپاک عزائم خاک میں ملاکر اپنی جان قربان کر دیتے ہیں۔

بلاول بھٹو نے شہید کرنل کی بہادری پر انہیں خراج عقیدت پیش کیا۔ شہید کرنل کے بچوں کو حوصلہ دیتے ہوئے بلاول بھٹو نے کہا کہ میری ماں بھی دہشت گردوں اور دھرتی ماں کے دشمنوں سے مزاحمت کرتے ہوئے اپنی جان قربان کی مجھے اپنی ماں پر فخر ہے۔آپ کو بھی اپنے شہیداور بہادر والد پر فخر ہونا چاہیے آپ کا والد قوم کا ہیرو ہے۔آنے والی نسلیں بھی آپ کے والد کی بہادری اور وطن سے وفاداری پر فخر کریں گی۔