کراچی کے علاقے صدر الیکٹرونکس مارکیٹ کی کمرشل بلڈنگ میں آگ لگ گئی

بدھ 23 مئی 2018 17:49

کراچی (اُردو پوائنٹ اخبارتازہ ترین - این این آئی۔ 23 مئی2018ء) کراچی کے علاقے صدر الیکٹرونکس مارکیٹ کی کمرشل بلڈنگ میں آگ لگ گئی ،فائر بریگیڈ کی آٹھ گاڑیوں نے بروقت کارروائی کرتے ہوئے آگ پر قابو پالیا ۔

(جاری ہے)

تفصیلات کے مطابق صدر کے علاقے الیکٹرونکس مارکیٹ کی کمرشل بلڈنگ کی گراونڈ فلور میں قائم بجلی کے میٹرو میں پراسرار طور پر آگ لگ گئی دیکھتے ہی دیکھتے آگ ڈک کے ذریعے چھٹی منزل تک پہنچ گئی دکانداروں نے فوری طور پر فائر بریگیڈ کو اطلاع دی فائر بریگیڈ کی ایک اسنارکل اور سات فائر ٹینڈر نے موقع پر پہنچ ایک گھنٹے کی جدوجہد کے بعد آگ پر قابو پالیا فائر بریگیڈ کے مطابق آگ چھٹی منزل پر چوکیدار کے کمرے اور جنریٹر میں لگ گئی جسے فوری طور پر بھجادیا گیا۔