مونفلس، دمترف، ڈونلڈسن اور ایلبٹ نے فرنچ اوپن ٹینس مینز سنگلز پہلا مرحلہ عبور کر لیا

اتوار مئی 20:00

پیرس۔ ۔ (اُردو پوائنٹ اخبارتازہ ترین۔ 27 مئی2018ء) گیل مونفلس، گریگور دمترف، ڈونلڈسن اور ایلبٹ سال کے دوسرے گرینڈسلام ٹینس ٹورنامنٹ فرنچ اوپن مینز سنگلز دوسرے رائونڈ میں پہنچ گئے۔

(جاری ہے)

اتوار کو شروع ہونے والے میگا ایونٹ کے ابتدائی روز مینز سنگلز ایونٹ کے سلسلے میں کھیلے گئے پہلے رائونڈ میچز میں فرانسیسی کھلاڑی گیل مونفلس نے عمدہ کارکردگی کا مظاہرہ کرتے ہوئے ہم وطن کھلاڑی بنچ ہیٹرٹ کو سخت مقابلے کے بعد 3-6، 6-1، 6-2 اور 6-1 سے ہرا کر دوسرے رائونڈ تک رسائی حاصل کی، گریگور دمترف نے سفوات کو 6-1، 6-4 اور 7-6 سے زیر کر کے دوسرے رائونڈ میں جگہ بنائی، امریکہ کے ڈونلڈسن نے بھی پہلا مرحلہ عبور کر لیا، انہوں نے جیری کو سخت مقابلے کے بعد شکست فاش سے دوچار کیا، ایلبٹ نے بیریری کو شکست دے کر ایونٹ سے باہر کر دیا۔

متعلقہ عنوان :