قومی اسمبلی کے آخری روز اراکین کا آپس میں نوک جھونک کا سلسلہ جاری رہا

آپ کی پارٹی والے بتائیں شیریں مزاری کو الیکشن لڑنا چاہیی سپیکر کا سوال پی ٹی آئی ارکان نے حمایت میں ہاتھ کھڑے کردئیے

جمعرات 31 مئی 2018 18:37

اسلام آباد (اُردو پوائنٹ اخبارتازہ ترین - این این آئی۔ 31 مئی2018ء) قومی اسمبلی کے آخری روز اراکین کا آپس میں نوک جھونک کا سلسلہ جاری رہا۔ سپیکر ایاز صادق اور شیریں مزاری کے درمیان بھی دلچسپ مکالمہ ہوا۔ایاز صادق نے سوال کیا کہ آپ کی پارٹی والے بتائیں شیریں مزاری کو الیکشن لڑنا چاہیی جس پرپی ٹی آئی ارکان نے حمایت میں ہاتھ کھڑے کردئیے۔

(جاری ہے)

شیریں مزاری بولی نہیں میں جنرل الیکشن میں حصہ نہیں لے رہی جس پر سپیکر ایاز صادق کا کہنا تھا کہ سب کو مبارک ہو، شیریں مزاری صاحبہ جنرل الیکشن میں حصہ لیں گی۔ایاز صادق کا کہنا تھا کہ آج قومی اسمبلی کا آخری دن ہے سب تحمل کا مظاہرہ کریں جو تلخ باتیں کرنی ہیں ،وہ الیکشن مہم کے دوران کریں۔آج آخری دن ہے خدا کا واسطہ ہے کسی کے خلاف کوئی بات نا کرے،یہاں برا بھلا کہیں اوربعد میں ساتھ کھانا کھائیں، یہ مناسب نہیں۔