سپریم کورٹ نے این آئی سی ایل سکینڈل کیس میں ایف آئی اے کو ملزم محسن وڑائچ کو گرفتار کرنے کے لیے ایک ہفتے کی مہلت دے دی

جمعہ 1 جون 2018 20:45

لاہور (اُردو پوائنٹ اخبارتازہ ترین - آن لائن۔ 01 جون2018ء) سپریم کورٹ نے این آئی سی ایل سکینڈل کیس میں ایف آئی اے کو ملزم محسن وڑائچ کو گرفتار کرنے کے لیے ایک ہفتے کی مہلت دے دی۔ ملزم کی عدم گرفتاری پر چیف جسٹس پاکستان کا نیب پر برہمی کا اظہار۔ فاضل چیف جسٹس نے کہا کہ مجھے آپ سے زیادہ پتا ہے کہ ملزم کو کیوں گرفتار نہیں کیا جا رہا۔

(جاری ہے)

جیسے راؤ انوار کو گرفتار کرایا محسن وڑائچ کے لیے بھی وہی طریقہ اپنانا پڑے گا۔

عدالت نے لاہور اور کراچی میں دائر ریفرنسز کی ہفتہ وار رپورٹ طلب کر لی۔ نیب میں مقدمے کی ایک دن کی بھی تاخیر برداشت نہیں کی جائے گی۔ ایف آئی اے حکام نے بتایا کہ ملزم کو گرفتار کرنے کے لیے تمام تکنیکی ذرائع استعمال کر رہے ہیں۔سپریم کورٹ نے سماعت ایک ہفتے کے لیے ملتوی کر دی۔