بادام ہارٹ اٹیک اور فالج کے خطرہ کوکم کر تاہے،ما ہر ین

ہفتہ جون 14:02

بادام ہارٹ اٹیک اور فالج کے خطرہ کوکم کر تاہے،ما ہر ین
قصور۔2 جون(اُردو پوائنٹ اخبارتازہ ترین۔ 02 جون2018ء) بادام ایسامیوہ ہے جو اکثر افرادکوپسندہوتاہے جونہ صرف لذیذبلکہ صحت بخش بھی ہوتاہے اس میں متعدد وٹامنز اور ایسے اجزاء ہوتے ہیں جوجسم کوصحتمند اور شخصیت کو خوبصورت بناتے ہیں‘روزانہ کچھ بادام کھاناصحت کیلئے نقصان دہ کولیسٹرول کی سطح میں کمی لاکر فائدہ مند کولیسٹرول کوبڑھاتاہے جس سے ہارٹ اٹیک اور فالج وغیر ہ کا خطرہ کم ہوتاہے۔

(جاری ہے)

امریکہ کی پنسلوانیاسٹیٹ یونیورسٹی کی تحقیق میں بتایا گیا کہ روزانہ کچھ مقدار میں بادام کھانا ایچ ڈی ایل کولیسٹرول (صحت کیلئے فائدہ مند)کی سطح کو بڑھاتاہے جبکہ دوسری جانب یہ جسم سے برے کولیسٹرول کو بھی نکال باہرکرتاہے۔ پنسلوانیا سٹیٹ یونیورسٹی کے سائنسدان پینی کرس ایتھرٹن نے اپنی تحقیقات کو جرنل آف نیوٹریشن میں شائع کرایا ہے ۔

اس تحقیق کے دوران پچاس کے قریب مردوخواتین کو چھ ہفتوں تک بادام کا استعمال کرایا گیا۔ نتائج سے معلوم ہوا ہے کہ روزانہ43گرام بادام کھانا اس حوالے سے مددگارثابت ہوتاہے ۔ پینی کرس کہتی ہیں کہ اس سے قبل کئی تحقیقات سے یہ بھی معلوم ہواہے کہ بادام کھانا خود ایل ڈی ایل کو لیسٹرول کوبھی کم کرتاہے جس کی مقدار بڑھ جائے تو دل کے امراض کا خطرہ بھی بڑھ جاتاہے۔

متعلقہ عنوان :