رواں مالی سال 2017-18ء کے ابتدائی 10 ماہ جولائی تا اپریل کے دوران پاک چین کا باہمی تجارتی حجم 10.766 ار ب ڈالر سے تجاوز

اتوار 3 جون 2018 11:20

ْ اسلام آباد ۔ (اُردو پوائنٹ اخبارتازہ ترین - اے پی پی۔ 03 جون2018ء) رواں مالی سال 2017-18ء کے ابتدائی 10 ماہ جولائی تا اپریل کے دوران پاک چین باہمی تجارت کاحجم 10.766 ار ب ڈالر سے تجاوز کر گیا ہے۔

(جاری ہے)

ادارہ برائے شماریات کے مطابق جاری مالی سال کے پہلے 10 مہینوں کے دوران چین سے 9.322 ارب ڈالر کی درآمدات کی گئی ہیں جبکہ پاکستانی درآمدات کاحجم 1.444 ارب ڈالر ریکارڈ کیا گیا ہے اس طرح جاری مالی سال کے دوران پاکستان کو 7.878 ارب ڈالر کے تجارتی خسارہ کا سامنا ہے۔

پی بی ایس کے مطابق گزشتہ مالی سال 2016-17ء کے دوران پاک چین دو طرفہ تجارت کا حجم 9.215 ارب ڈالر ریکارڈ کیا گیا تھا جس میں چین سے کی جانے والی درآمدات کا حجم 7.850 ارب ڈالر جبکہ قومی برآمدات کا حجم صرف 1.365ارب ڈالرریکارڈ کیا گیا تھا اس طرح گزشتہ مالی سال میں پاک چین دو طرفہ تجارت میں پاکستان کو 6.485 ارب ڈالر کے تجارتی خسارہ کا سامنا تھا۔