ساہیوال،مختلف وارداتوں میں نامعلوم ملزمان نقدی ‘موبائل فون اور طلائی زیورات لے اڑے، مقدمہ درج

اتوار 3 جون 2018 21:00

ساہیوال(اُردو پوائنٹ اخبارتازہ ترین - آئی این پی۔ 03 جون2018ء) مختلف وارداتوں میں نامعلوم ونامزد ملزمان نقدی ‘موبائل فون اور طلائی زیورات لے اڑے۔ ڈکیتی کی واردات نواحی گا?ں 186/9-Lمیں صبح کے وقت ہوئی یہاں سرفراز علی ساہیوال سے ہڑپہ بائی پاس کی طرف جارہاتھا کہ 4 نامعلوم ملزمان نے گن پوائنٹ پر روک لیا اور نقدی و موبائل فون کل مالیتی1لاکھ11ہزار روپے چھین کرفرارہوگئے۔

(جاری ہے)

دوسری واردات شرقی بائی پاس ساہیوال کے قریب ہوئی یہاں حمزہ نذیر بائی پاس سے پاکپتن چوک آرہاتھا کہ راستے میں 3نامعلوم موٹرسائیکل سوارملزمان آئے اور گن پوائنٹ پر نقدی 22ہزارروپے چھین کرفرارہوگئے۔ چوری کی واردات 18/WMٹکڑا میںہو ئی یہاں خالق وغیرہ 6ملزمان نے وحید حسین کے گھرکے تالے توڑکر گھر سے طلائی زیورات اور گھریلو سامان چرالیا۔ پولیس نے الگ الگ مقدمات درج کرلئے ہیں۔