سابق وزیراعظم میر ظفراللہ جمالی کا تحریک انصاف میں شمولیت کا فیصلہ

میر ظفراللہ جمالی اور پی ٹی آئی بلوچستان کے صوبائی صدر کے درمیان ٹیلی فونک رابطہ ہوا ،ْترجمان پی ٹی آئی

جمعرات 7 جون 2018 16:44

اسلام آباد (اُردو پوائنٹ اخبارتازہ ترین - این این آئی۔ 07 جون2018ء) سابق وزیراعظم میر ظفراللہ جمالی نے تحریک انصاف میں شمولیت کا فیصلہ کرلیا۔تحریک انصاف کے ترجمان کیمطابق سابق وزیراعظم میر ظفراللہ جمالی اور پی ٹی آئی بلوچستان کے صوبائی صدر یار محمد رند کے درمیان ٹیلی فونک رابطہ ہوا جس میں میر ظفر اللہ جمالی نے ساتھیوں سمیت تحریک انصاف میں شمولیت کا عندیہ دیا۔

(جاری ہے)

پی ٹی آئی ترجمان نے بتایاکہ میر ظفر اللہ جمالی اور یار محمد رند کے درمیان جلد ملاقات پر اتفاق کیا گیا ہے ،ْ یار محمد رند نے سابق وزیراعظم کی پارٹی چیئرمین عمران خان سے بھی ملاقات کی یقین دہانی کرائی ہے۔