نگران وزیراعلیٰ حسن عسکری رضوی کی زیرصدارت اعلیٰ سطح کا اجلاس، انتظامی ڈھانچے اور انتظامی امور پر بریفنگ

ہفتہ جون 18:28

نگران وزیراعلیٰ حسن عسکری رضوی کی زیرصدارت اعلیٰ سطح کا اجلاس، انتظامی ..
لاہور(اُردو پوائنٹ اخبارتازہ ترین۔ 09 جون2018ء) نگران وزیراعلیٰ پنجاب حسن عسکری رضوی کی زیرصدارت وزیراعلیٰ آفس میں اعلیٰ سطح کا اجلاس منعقد ہوا جس میں صوبے کے انتظامی ڈھانچے اور انتظامی امور کے بارے میں بریفنگ دی گئی۔ نگران وزیراعلیٰ حسن عسکری رضوی نے اجلاس سے خطاب کرتے ہوئے کہا کہ ہمیں جو ذمہ داری ملی ہے اس کے فریم ورک کے اندر رہتے ہوئے فرائض ادا کرنے ہیں اور طے شدہ فریم ورک کے دائرہ کار میں رہتے ہوئے کام کرنا ہے۔

(جاری ہے)

انہوں نے کہا کہ میرا مینڈیٹ شفاف اور منصفانہ الیکشن کا انعقاد ہے اور غیر جانبدار انتظامیہ شفاف اور منصفانہ انتخابات کیلئے ضروری ہے۔ انتظامیہ مکمل طور پر غیر جانبدار رہ کر اپنا کردار ادا کرے گی۔چیف سیکرٹری نے نگران وزیراعلیٰ کو صوبے کے انتظامی امور اور انتظامی ڈھانچے کے بارے میں بریفنگ دی۔چیف سیکرٹری، ایڈیشنل چیف سیکرٹری، سیکرٹری قانون اور متعلقہ محکموں کے سیکرٹریز نے اجلاس میں شرکت کی۔