اے این پی دیر لوئر کے انجینئر مختیار خان کی پارٹی رکنیت ختم کر دی گئی

جمعرات 14 جون 2018 19:43

پشاور(اُردو پوائنٹ اخبارتازہ ترین - این این آئی۔ 14 جون2018ء) عوامی نیشنل پارٹی کے صوبائی صدر امیر حیدر خان ہوتی نے پارٹی فیصلے کی خلاف ورزی اور پارٹی امیدوار کے مد مقابل آزاد حیثیت سے الیکشن لڑنے کی پاداش میں دیر لوئر کے انجینئر مختیار خان کی پارٹی رکنیت ختم کر دی ہے ،جبکہ پارٹی کے صوبائی جنرل سیکرٹری سردار حسین بابک نے ان کی رکنیت خاتمے کا نوٹیفیکیشن اے این پی سیکرٹریٹ باچا خان مرکز سے جاری کرتے ہوئے کہا ہے کہ انجینئر مختیار کو کچھ عرصہ قبل پارٹی آئین کی خلاف ورزی پر شوکاز نوٹس جاری کیا گیا تھا جس کے جواب میں انہوں نے یقین دلایا تھا کہ وہ پارٹی کے وفادار اور آئین کے پابند رہیں گے لیکن باوجود یقین دہانی کے وہ پارٹی امیدوار کے خلاف آزاد حیثیت سے الیکشن لڑ رہے ہیں، انہوں نے کہا کہ پارٹی ڈسپلن کی خلاف ورزی کرنے والا خواہ کوئی بھی ہو کسی سے کوئی رو رعایت نہیں برتی جائے گی۔