ْراولپنڈی، اسلام آباد میں تیز ہوائوں اور گرج چمک کے ساتھ بارش کا امکان ہے۔ محکمہ موسمیات

جمعرات 21 جون 2018 19:10

اسلام آباد ۔ (اُردو پوائنٹ اخبارتازہ ترین - اے پی پی۔ 21 جون2018ء) راولپنڈی، اسلام آباد سمیت کشمیر اور گلگت بلتستان میں چند مقامات پر تیز ہوائوں اور گرج چمک کے ساتھ بارش کا امکان ہے۔ محکمہ موسمیات کے مطابق (آج) جمعہ کو ملک کے بیشتر علاقوں میں موسم گرم اور خشک رہے گا تاہم مالاکنڈ، ہزارہ، پشاور، کوہاٹ، بنوں، راولپنڈی، گوجرانوالہ، لاہور، سرگودھا، فیصل آباد ڈویژن، اسلام آباد، فاٹا، کشمیر اور گلگت بلتستان میں چند مقامات پر تیز ہوائوں اور گرج چمک کے ساتھ بارش کا امکان ہے۔

گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا تاہم راولپنڈی، گوجرانوالہ، سرگودھا، فیصل آباد، بہاولپور، مالاکنڈ، ہزارہ، ڈی آئی خان ڈویژن، اسلام آباد، گلگت بلتستان اور کشمیر میں چند مقامات پر تیز ہوائوں اور گرج چمک کے ساتھ بارش ہوئی۔

(جاری ہے)

سب سے زیادہ بارش چکوال 26، نور پور تھل 25، بہاولنگر20، سرگودہا (سٹی14، ایئرپورٹ11)، بھکر10، بہاولپور (سٹی09، ایئرپورٹ04)، اسلام آباد (سیدپور)، جوہرآباد07 سیالکوٹ(ائیرپورٹ05، سٹی01)، ٹوبہ ٹیک سنگھ05، گجرات 02، کاکول23، لوئردیر04، ڈی آئی خان، بالاکوٹ02، راولاکوٹ12، مظفرآباد 05، گڑھی دوپٹہ03، مظفرآباد 02، بگروٹ06 اور استور میں 3 ملی میٹر ریکارڈ کی گئی۔

جمعرات کو ملک میں زیادہ سے زیادہ درجہ حرارت سبی 49، نوکنڈی 47، دادو 46، تربت، جیکب آباد اور روہڑی میں 45 ڈگری سینٹی گریڈ ریکارڈ کیا گیا۔