رواں مالی سال2017-18ء کے دوران چمڑے کی مصنوعات کی ملکی برآمدات میں7.99فیصد کا اضافہ

جمعہ 22 جون 2018 09:40

اسلام آباد ۔ (اُردو پوائنٹ اخبارتازہ ترین - اے پی پی۔ 22 جون2018ء) رواں مالی سال2017-18ء کے دوران چمڑے کی مصنوعات کی ملکی برآمدات میں7.99فیصد کا اضافہ ہوا ہے۔

(جاری ہے)

ادارہ برائے شماریات پاکستان(پی بی ایس) کے اعدادوشمار کے مطابق جاری مالی سال کے پہلے گیارہ مہینوں میں جولائی تا مئی2017-18ء کے دوران چمڑے کی مصنوعات کی برآمدات کا حجم 478.85 ملین ڈالر تک بڑھ گیا جبکہ گذشتہ مالی سال کے اسی عرصہ کے دوران چمڑے کی مصنوعات کی برآمدات سے 443.43 ملین ڈالر کا زرمبادلہ کمایاگیا تھا۔ پی بی ایس کے مطابق گذشتہ مالی سال کے مقابلہ میں رواں مالی سال کے دوران چمڑے کی مصنوعات کی قومی برآمدات میں35.42 ملین ڈالر یعنی7.99 فیصد کا اضافہ ریکارڈ کیا گیا ہے۔