ن لیگ (آج) کراچی سے انتخابی مہم کا آغاز کرے گی

شہباز شریف خصوصی طور پر شہرقائد آئیں گے،سابق وزیراعلیٰ اپنے حلقے این اے 249 اور لیاری کا دورہ اور کارکنان سے خطاب کریں گے

اتوار 24 جون 2018 12:10

کراچی(اُردو پوائنٹ اخبارتازہ ترین - آئی این پی۔ 24 جون2018ء) پاکستان مسلم لیگ ن (آج) پیر سے کراچی سے انتخابی مہم کا آغاز کرے گی ، پارٹی صدر شہباز شریف خصوصی طور پر شہرقائد آئیں گے،سابق وزیراعلی مفتاح اسماعیل کے حلقے این اے 244 کا بھی دورہ کریں گے اور کارکنان سے خطاب کریں گے۔

(جاری ہے)

تفصیلات کے مطابق ملک بھر میں مختلف سیاسی جماعتوں کی جانب سے انتخابی مہم کا آغاز کر دیا گیا ہے تاہم (ن)لیگ (آج)کراچی سے مہم کا آغاز کرے گی اور شہباز شریف اپنے حلقوں کا دورہ بھی کریں گے۔

مسلم لیگ (ن)سندھ کے مطابق پارٹی قائد شہباز شریف (آج) دو روزہ دورے پر کراچی پہنچیں گے جس کے دوران وہ مختلف تقاریب میں شرکت کریں گے۔ شہباز شریف تاجروں اور میڈیا نمائندوں سے ملاقاتیں کریں گے اور اپنے حلقے این اے 249 اور لیاری کا بھی دورہ کریں گے۔سابق وزیراعلی پنجاب شہباز شریف مفتاح اسماعیل کے حلقے این اے 244 کا بھی دورہ کریں گے اور کارکنان سے خطاب کریں گے۔