ضلعی پولیس آفیسر ایبٹ آباد سید اشفاق انور کے اعزاز میں پروقار تقریب کا انعقاد

پیر 25 جون 2018 20:27

ایبٹ آباد(اُردو پوائنٹ اخبارتازہ ترین - آئی این پی۔ 25 جون2018ء) ضلعی پولیس آفیسر ایبٹ آباد سید اشفاق انور کے اعزاز میں پولیس لائن ایبٹ آباد میں پروقار تقریب کا انعقاد کیا گیا جس میں ایڈیشنل ایس پی ، ایس پی انوسٹییگیشن ، جملہ ڈی ایس پیز صاحبان ، جملہ ایس ایچ اوز ، ٹریفک سٹاف اور دیگر تمام شعبہ جات کے پولیس افسران اور جوانوں نے شرکت کی ۔

(جاری ہے)

ضلعی پولیس آفیسر ایبٹ آباد سید اشفاق انور نے ایبٹ آباد پولیس کے افسران اور جوانوں سے خطاب کرتے ہوئے کہا کہ میں نے آج ایبٹ آباد پولیس کے سربراہ کی حیثیت سے اپنے عہدے کا چارج چھوڑ دیا ہے میں نے بحیثیت ڈسٹرکٹ پولیس آفیسر سوا سال کے عرصہ میں بھرپور کوشش کی ہے کہ فورس کے مورال اور ڈسپلن کو بڑھایا جائے ۔ اسی طرح ٹرانسپورٹ ، انفراسٹرکچر اور رہائش کی سہولت کو بڑھایا جائے اور پولیس کو عوام کو ان کی دہلیز پر خدمت کے لیے ہمہ وقت پیش رکھا جائے ۔ میں ایبٹ آباد کی تما م سپاہ کا تہہ دل سے مشکور ہوں کہ میرا انہوں نے جرائم کے خاتمہ اور پولیس کی نیک نامی کے لیے کی گئی کوششوں میں بھرپور ساتھ دیا ۔ جس سے عوام میں پولیس کی پزیرائی اور نیک نامی میں اضافہ ہوا ۔