سرکاری کوارٹرز کے مکینوں کے ساتھ کھڑے ہیں، فاروق ستار
مکینوں کی بے دخلی کے عدالتی فیصلے کے حوالے سے ایم کیو ایم کی لیگل ایڈ کمیٹی علاقے کی عوام کے ساتھ مل کر مشاورت کررہی ہے، میڈیا سے گفتگو
اتوار 1 جولائی 2018 21:00
(جاری ہے)
اس موقع پر سماجی رہنمائوں نے مظاہرین سے خطاب کرتے ہوئے کہا کہ فیڈرل کیپٹل ایریا اور دیگر وفاقی رہائشی کالونیوں کے ریٹائرڈ ملازمین اور ان کے اہل خانہ قانون کے مطابق سرکاری مکانات اور فلیٹوں میں رہ رہے ہیں۔
اسٹیٹ آفس ان سے قانون کے مطابق کرایہ وصول کرتا ہے۔ اسٹیٹ آفس کے حکام نے عدالت کو غلط اعداد وشمار فراہم کئے ہیں اور عدالت کو غلط بریفنگ دی گئی ہے۔ ان رہنمائوں نے کہا کہ ریٹائرڈ ملازمین اور ان کے اہل خانہ برسوں سے ایف سی ایریا اور دیگر وفاقی رہائشی کالونیوں میں مقیم ہیں۔ انہوں نے کہا کہ ہم پرامن لوگ ہیں۔ قیام پاکستان کے سلسلے میں ہمارے بزرگوں نے بڑی قربانیاں دی ہیں۔ ہمیں سازش کے تحت گھروں سے محروم کرنا زیادتی ہے۔ اہلیان علاقہ کی جانب سے چیف جسٹس آف پاکستان سے انسانی ہمدردی کے نام پر اپیل کی گئی کہ وہ اس معاملے پر رحم کریں اور وفاقی رہائشی کالونیوں کے مکینوں کو بھی سنا جائے ۔ ہم قانون کے مطابق ان مکانات میں رہ رہے ہیں۔ اسٹیٹ آفس کو مکانات خالی کرانے سے روکا جائے۔ اہلیان علاقہ نے کہا کہ ہم جلد سپریم کورٹ میں نظر ثانی کی اپیل کریں گے۔ انہوں نے اسٹیٹ آفس کو متنبہ کیا کہ اگر جبری طور پر سرکاری مکانات پر ریٹائرڈ ملازمین اور ان کے اہل خانہ کو نکالا گیا تو اسٹیٹ آفس کے خلاف عوام قانونی چارہ جوئی کے علاوہ پرامن احتجاج کا سلسلہ جاری رکھے گی۔ایم کیو ایم پاکستان کے سینئر رہنما ڈاکٹر فاروق ستار اور پیپلز پارٹی کے رہنما ظفر صدیقی نے ایف سی ایریا کے مکینوں سے اظہار یکجہتی کے لئے مظاہرے میں شرکت کی۔ دونوں مظاہرین کے ساتھ جا کر زمین پر بیٹھ گئے تاہم انہوں نے مظاہرے سے خطاب نہیں کیا۔ مظاہرین کے منتظمین کا کہنا تھا کہ یہ سیاسی اور مذہبی پروگرام نہیں ہے۔ یہ عوامی پرامن احتجاج ہے۔ سیاسی جماعتیں ہم سے اظہار یکجہتی تو ضرور کریں تاہم ہم انہیں یہ پلیٹ فارم سیاسی طور پر استعمال کرنے نہیں دیں گے۔ مظاہرہ ختم ہونے کے بعد میڈیا سے گفتگو کرتے ہوئے ایم کیو ایم کے رہنما ڈاکٹر فاروق ستار نے کہا کہ کراچی کی وفاقی رہائشی کالونیوں کے مکینوں نے قیام پاکستان سے استحکام پاکستان تک قربانیاں دی ہیں۔ ہم سرکاری کوارٹرز کے مکینوں کے ساتھ کھڑے ہیں۔ مکینوں کی بے دخلی کے عدالتی فیصلے کے حوالے سے ایم کیو ایم کی لیگل ایڈ کمیٹی علاقے کی عوام کے ساتھ مل کر مشاورت کررہی ہے اور اس عدالتی فیصلے کے حوالے سے سپریم کورٹ میں جلد نظر ثانی کی اپیل دائر کی جائے گی۔ انہوں نے کہا کہ ہم مکینوں کو ہر ممکن قانونی اور اخلاقی تعاون کریں گے۔ ہم ا نہیں تنہا نہیں چھوڑیں گے۔ انہوں نے کہا کہ چیف جسٹس آف پاکستان ملک کے ہر شہری کے لئے نکلتے ہیں۔ وہ عوامی مسائل کا جائزہ لے رہے ہیں۔ چیف جسٹس ثاقب نثار سے اپیل کرتے ہیں کہ وہ ان مکینوں کو بھی سنیں۔ انہوں نے ایک شعر پڑھتے ہوئے کہا کہ ''دیوار کیا گری کچے مکان کی ، لوگوں نے راستہ بنالیا''۔ انہوں نے کہا کہ ہم انشا اللہ کسی مکین کا گھر خالی نہیں ہونے دیں گے۔ پیپلز پارٹی کے رہنما ظفر صدیقی نے کہا کہ پارٹی کی ہدایت پر آیا ہوں۔ ہم وفاقی رہائشی کالونیوں کے مکینوں کے ساتھ ہیں۔ پیپلز پارٹی انہیں ہر ممکن تعاون فراہم کرے گی۔مزید قومی خبریں
-
صدرآصف زرداری کوئٹہ کا 3 روزہ دورہ مکمل کر کے اسلام آباد روانہ
-
پنجاب بھر میں سرکاری سکولوں کو آئوٹ سورس کرنے کے منصوبے پرکام شروع
-
گھروں پر کوڑا ٹیکس لگانے کے لیے سمری تیار
-
شیرافضل مروت کے ساتھیوں اور یوٹیوبرمیں جھگڑا سوال کرنے پر جھگڑا ہوگیا ،بعد میں صلح ہوگئی
-
گھوٹکی میں بیٹی کی پیدائش پر شوہر کا اہلیہ اور اہلخانہ پر کلہاڑی سے حملہ
-
کراچی میں گھر سے چین، برطانیہ سمیت پانچ بڑے ممالک کی ادویات کی فروخت کا انکشاف
-
پاکستان اور بیلاروس کے درمیان دوطرفہ تجارت سے دونوں ممالک کے تعلقات کو مزید تقویت ملے گی ، جام کمال خان
-
ڈسٹرکٹ سٹی پولیس کراچی کی کارروائیاں،5 ملزمان گرفتار
-
دعوت اسلامی کے تحت فیضان مدینہ میں محفل مدینہ کا انعقاد
-
سندھ کی ترقی میں مقامی سطح پرمشاورت صوبے کی ترقی کی ضامن ہوگی ، وزیراعلیٰ سندھ
-
حکومت پنجاب کا شہریوں کیلئے بڑا ریلیف؛ آٹے کے تھیلوں کے قیمت میں ریکارڈ کمی
-
ظلم کرنے والے سن لیں جیل میں بلیوں ، چھپکلیوں سے ڈرنے والی نہیں ، یاسمین راشد
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.