عوامی مقامات پر کچرا پھینکنے پر 2 افراد گرفتار

بدھ 4 جولائی 2018 21:34

کراچی ۔ (اُردو پوائنٹ اخبارتازہ ترین - اے پی پی۔ 04 جولائی2018ء) کراچی کے علاقے نارتھ ناظم آباد سے پولیس نے عوامی مقامات پر کچرا پھینکنے کے جرم میں 2 افراد کو گرفتار کرلیاہے۔پولیس کے مطابق نارتھ ناظم آباد کے علاقے کوثر نیازی کالونی میں کچرا پھینکے پر دو افراد کو گرفتار کیا گیا ہے، جن کے خلاف دفعہ144 کے تحت عوامی مقامات پر کچرا پھینکے پر مقدمہ درج کیا گیا ہے۔

(جاری ہے)

ملزمان دولت خان اور رحمت خان کوثر نیازی کالونی میں عوامی مقام پر کچرا پھینک رہے تھے، کچرا پھینکنے کا مقدمہ حیدری تھانے میں درج کیا گیا ہے۔پولیس کے مطابق کچرا کنڈی کے علاوہ دوسری جگہ پر کچرا پھینکنا جرم ہے، ملزمان کچرے کی ایک ٹرالی پھینکنے کے بعد دوسری گاڑی پھینکنے آئے تھے۔پولیس نے ملزمان کی کچرے سے بھری ٹرالی اور ٹریکٹر کو قبضے میں لے لیا ہے، ملزمان کے قبضے سے شناختی کارڈ، نقد رقم، موبائل فون اور دیگر چیزیں برآمد ہوئی ہیں۔

Facebook Twitter Google + Share on Whatsapp

عوامی مقامات پر کچرا پھینکنے پر 2 افراد گرفتار

متعلقہ عنوان :

مزید قومی خبریں