قومی اسمبلی کے دو حلقوں میں خواتین کے ووٹ 10 فیصد سے کم ہونے کے باعث ان حلقوں کے نتائج معطل ہونے کا امکان

جمعہ 27 جولائی 2018 23:20

اسلام آباد(اُردو پوائنٹ اخبارتازہ ترین - این این آئی۔ 27 جولائی2018ء) قومی اسمبلی کے دو حلقوں میں خواتین کے ووٹ 10 فیصد سے کم ہونے کے باعث ان حلقوں کے نتائج معطل ہونے کے امکانات ہیں۔

(جاری ہے)

میڈیا رپورٹ کے مطابق 2018 کے عام انتخابات میں قومی اسمبلی کے 2 حلقوں این اے 10 شانگلہ اور این اے 48 شمالی وزیرستان میں خواتین کے ووٹ کم ہونے کے باعث الیکشن کمیشن آف پاکستان نے نتیجہ معطل کرنے کا فیصلہ کیا ہے جبکہ حتمی نتائج آنے پر نتائج معطلی والے ایسے مزید حلقوں کی نشاندہی بھی متوقع ہے۔

الیکشن کمیشن کے حکام کے مطابق این اے 10 اور این اے 48 میں خواتین کے درکار 10 فیصد ووٹ پول نہیں ہوئے، خواتین کے 10 فیصد سے کم ووٹ والے حلقے کا نتیجہ معطل ہوگا، انتخابی حلقے کے متعلقہ پولنگ اسٹیشنز پر دوبارہ پولنگ ہوگی ،ْ ایسے حلقوں کی مکمل رپورٹ آنے پر نتیجہ معطلی کا اعلان ہوگا۔واضح رہے قومی اسمبلی کے جن حلقوں میں الیکشن معطل ہونے کا امکان ہے ان میں این اے 10 سے مسلم لیگ (ن) کے عباداللہ اور این اے 48 سے لیگ کے ہی امیدوار محسن داوڑ جیتے تھے۔