تائیوان کے پوکیمون چاچا کھیل کے لیے 11 فونز استعمال کرتے ہوئے ماہانہ 13 سو ڈالر خرچ کرتے ہیں

جمعہ 10 اگست 2018 12:56

تائپے۔10 اگست(اُردو پوائنٹ اخبارتازہ ترین - اے پی پی۔ 10 اگست2018ء) تائیوان کے چین سان یوان نامی بوڑھے شخص نے اپنی سائیکل سے 11 سمارٹ فون منسلک کر کے آگمینٹڈ ریئلٹی گیم پوکیمون گو کھیلنا شروع کر دی ہے۔بین الاقوامی ذرائع ابلاغ کے مطابق چین سان یوان کا ارادہ ہے کہ وہ 4 مزید فون منسلک کر کے اپنی گیم کو مزید پرلطف بنا دیں۔ یہی وجہ ہے کہ آس پاس کے علاقے میں وہ پوکیمون چاچا کے نام سے مشہور ہیں اور مسلسل 20 گھنٹے تک کھیلتے رہتے ہیں۔

وہ اپنی اس لت پر ماہانہ 13 سو ڈالر کے قریب خرچ کرتے ہیں۔

(جاری ہے)

پوکیمون چاچا پورٹیبل بیٹریاں بھی استعمال کرتے ہیں تاکہ وہ تائی پی شہر میں رات کے وقت پوکیمون پکڑ سکیں۔ان کی شہرت اپنے علاقے تک محدود تھی، لیکن تائیوان کے ایک چینل کو دیا گیا ان کا انٹرویو راتوں رات وائرل ہو گیا۔وہ کہتے ہیں کہ اس گیم سے انھیں الزہائمرز بیماری سے چھٹکارا پانے اور نئے دوست بنانے میں مدد ملتی ہے۔ واضح رہے کہ پوکیمون گو 2016 میں متعارف کروائی گئی تھی جو بہت جلد ساری دنیا میں مشہور ہو گئی تھی۔اس گیم میں کھلاڑی اپنے فون کی مدد سے اصل دنیا میں فرضی جانور پکڑتے ہیں۔تاہم اس گیم کو تنقید کا نشانہ بنایا گیا ہے کیوں کہ اس کی وجہ سے کئی لوگ زخمی یا ہلاک ہو چکے ہیں۔