ایبٹ آباد آپریشن کے مرکزی کردار ڈاکٹر شکیل آفریدی اڈیالہ سے ساہیوال جیل منتقل

ڈاکٹر شکیل آفریدی کو سیکیورٹی وجوہات کی وجہ سے اڈیالہ سے ساہیوال جیل منتقل کیا گیا ،ْذرائع

اتوار 26 اگست 2018 17:50

ایبٹ آباد آپریشن کے مرکزی کردار ڈاکٹر شکیل آفریدی اڈیالہ سے ساہیوال ..

ایبٹ آباد (اُردو پوائنٹ اخبارتازہ ترین - این این آئی۔ 26 اگست2018ء) ایبٹ آباد میں القاعدہ کے بانی اٴْسامہ بن لادن کے خلاف ہونے والے امریکی آپریشن کے مرکزی کردار ڈاکٹر شکیل آفریدی کو اڈیالہ سے ساہیوال جیل منتقل کر دیا گیا۔

(جاری ہے)

نجی ٹی وی کے مطابق باخبر ذرائع نے بتایا کہ 2011 میں ہونے والے ایبٹ آباد آپریشن کے مرکزی کردار ڈاکٹر شکیل آفریدی کو انتہائی سخت سیکیورٹی میں اتوار (26 اگست) کی صبح ساہیوال جیل منتقل کیا گیا۔

ذرائع کے مطابق ڈاکٹر شکیل آفریدی کو سیکیورٹی وجوہات کی وجہ سے اڈیالہ سے ساہیوال جیل منتقل کیا گیا۔شکیل آفریدی کو کچھ عرصہ قبل پشاور سے اڈیالہ جیل منتقل کیا گیا تھا۔خیال رہے کہ ڈاکٹر شکیل آفریدی پر ایبٹ آباد آپریشن کے لیے امریکی خفیہ ادارے سی آئی اے کی معاونت اور القاعدہ کے بانی اسامہ بن لادن کی مخبری کا الزام ہے۔