پاکستان ایک بار پھر بین الاقوامی جوہری توانائی ایجنسی کے بورڈ آف گورنرز کا ممبر منتخب ہو گیا

جمعرات 20 ستمبر 2018 20:45

اسلام آباد ۔ (اُردو پوائنٹ اخبارتازہ ترین - اے پی پی۔ 20 ستمبر2018ء) پاکستان ایک بار پھر بین الاقوامی جوہری توانائی ایجنسی (آئی اے ای ای) کے بورڈ آف گورنرز کا ممبر منتخب ہو گیا۔ ترجمان پاکستان اٹامک انرجی کمیشن شاہد ریاض خان کے مطابق یہ انتخاب اگلے دو سال کے لئے کیا گیا ہے۔

(جاری ہے)

یہ نہ صرف سفارتی سطح پر ایک بڑی کامیابی ہے بلکہ پاکستان کی جوہری ٹیکنالوجی کے پر امن استعمال کے شعبہ میں نمایاں کردار کا بین الاقوامی سطح پر اعتراف بھی ہے۔

آئی اے ای اے کا اجلاس ان دنوں ویانا میں جاری ہے اور چئیرمین پاکستان اٹامک انرجی کمیشن محمد نعیم کی سربراہی میں پاکستانی وفد اجلاس میں شریک ہے۔ آئی اے ای اے کے کل 170 ارکان ممالک میں سے بورڈ آف گورنرز کے 35 ارکان ہوتے ہیں جن میں سے 11 کا انتخاب ہر سال دو سال کے لئے کیا جاتا ہے۔