پابندی کے باوجود کیوبا کے لیے امریکی پروازیں

ہفتہ 20 اکتوبر 2018 11:30

ہوانا ۔ (اُردو پوائنٹ اخبارتازہ ترین - اے پی پی۔ 20 اکتوبر2018ء) امریکی فضائی کمپنی ’’ امریکن ایئرلائنز‘‘ نے صدر ڈونلڈ ٹرمپ کی جانب سے امریکی شہریوں کے لیے کیوبا کے سفر پر پابندی کے باوجود آئندہ سال سے ہوانا کے لیے اضافی یومیہ پرواز کا اعلان کردیا۔

(جاری ہے)

کیوبا میں امریکن ایئرلائنز کے نمائندے رامون جیمنیز نے گزشتہ روز جاری ہونے والے بیان میں کہا کہ ایئرلائن نے حال ہی میں ہوانا اور میامی کے درمیان پانچویں یومیہ پرواز کا آغاز کیا ہے جبکہ مئی 2019 ء میں میامی اور سانتیاگو کے درمیان نئی پرواز کا آغاز کریں گے جو ہمارا کیوبا میں ہوائی سفر کے لیے چھٹا مقام ہوگا۔

اس وقت ایئرلائنز اس جزیرے پر روزانہ 10 پروازیں چلارہی ہے جن میں سے نصف میامی اور ہوانا کے درمیان ہیں جبکہ باقی پروازیں صوبائی دارالحکومتوں اور دیگر شہروں کو جاتی ہیں۔آئندہ سال ان پروازوں کی یومیہ تعداد بڑھ کر 11 ہوجائے گی۔

Facebook Twitter Google + Share on Whatsapp

پابندی کے باوجود کیوبا کے لیے امریکی پروازیں

متعلقہ عنوان :

مزید بین الاقوامی خبریں