سندھ مدرسہ یونیورسٹی میں تعلیمی ماہرین کا اجلاس،’’اسکول ایجوکیشن کمیشن ‘‘قائم کرنے کی تجویز کی حمایت
بدھ 7 نومبر 2018 17:48
(جاری ہے)
یہ تجویز سندھ مدرسہ یونیورسٹی کے ادارے سینٹر فار پبلک پالیسی آن ایجوکیشن کے چاررکنی ریسرچ اسکالرز ڈاکٹر محمد علی شیخ (سربراہ) ڈاکٹر اسٹیفن جان، ڈاکٹررخشندہ کوکب اور ڈاکٹر منیر موسی نے پیش کی ہے۔
جس میں انہوں نے سندھ حکومت کو یہ تجویز پیش کی تھی کہ صوبے میں تعلیم کی صورتحال کو بہتر بنانے کیلئے ایک کمیشن قائم کیا جائے۔جو کہ پرائمری سے لیکر انٹرمیڈیٹ تک کے معاملات کی دیکھ بھال کرے ۔اس موقع پر شرکاکو پریزینٹیشن دیتے ہوئے سندھ مدرسہ یونیورسٹی کے وائس چانسلر ڈاکٹر محمدعلی شیخ جو کہ کمیشن کی تجویز پیش کرنے والی کمیٹی کے سربراہ بھی ہیں نے کہا کہ سندھ ایجوکیشن کمیشن کا اہم مقصد سندھ کی پرائمری اور انٹرمیڈیٹ کی تعلیمی صورتحال ، سندھ ٹیکسٹ بک بورڈ ، کریکیولیم ڈولپمینٹ بیورو اور دیگر اداروں کو بہتر بنانا ہے۔ سندھ حکومت کو تجویز پیش کی ہے کہ صوبے میں پرائمری اورانٹرمیڈیٹ تک معیار تعلیم کو بہتر بنانے کیلئے ہائر ایجوکیشن کمیشن کی طرز پر اسکول ایجوکیشن کمیشن قائم کرکے تمام امتحانی بورڈز ، سندھ ٹیکسٹ بک بورڈ، کریکیولم ڈیولپمینٹ بیورو اور دیگر مطلقہ اداروں کو اس کمیشن کے ماتحت کیا جائے۔ان خیالات کا اظہار انہوں نے جمعرات کو سندھ مدرسہ یونیورسٹی کے سینیٹ ہال میں میڈیا کے نمائندوں سے خطاب کرتے ہوئے کیا۔ یہ تجویز سندھ مدرسہ یونیورسٹی کے وائس چانسلر کی سربراہی میں قائم چار رکنی ریسرچ تھنک ٹینک نے تحقیق کے تیار کی ہے۔انہوں نے مزید کہا کہ اس وقت محکمہ تعلیم کے امور سندھ حکومت کے تین شعبے چلا رہے ہیں۔ ان میں سے ایک اسکول ایجوکیشن، دوسرا کالج اور تیسرا جامعات کا نظام چلارہے ہیں۔ان کا نظام تین علیحدہ علیحدہ سیکریٹریز اورجنرل کیڈر کے افیسرز کے ذریعے چلایا جارہا ہے، جن کے معمول کے تبادلوں اور دیگر محکموں سے لوگوں کی تعیناتی کے باعث عوام تک بہتر نتائج نہیں پہنچتے۔ وائس چانسلر سندھ مدرسہ یونیورسٹی نے کہا کہ حکومتی مسائل کی وجہ سے آج تعلیم کا نظام تباہ حال ہے، تعلیمی نظام چلانے والے تمام محکمے بغیر کسی ذہنی ہم آہنگی اور کوآرڈینیشن کے اپنا نظام چلارہے ہیں۔ ڈاکٹر محمد علی شیخ نے کہا کہ اس کمیشن کا سربراہ چیئرمین کو ہونا چاہئے جس کی تعلیم پی ایچ ڈی ہو۔ جس کے پاس تعلیم کے میدان میں کام کرنے کا بے حد تجربہ ہو جبکہ وزیراعلی اس کمیشن کا سربراہ ہوگا۔ کمیشن کے ماتحت مختلف ذیلی ادارے قائم کیے جائیں ، جن میں اساتذہ کی سلیکشن، کیپسٹی بلڈنگ اینڈ ٹریننگ ، انفراسٹرکچر اینڈ فزیکل فیسلیٹیشن ، داخلوں کی استعداد کار بڑھانے ،مانیٹرنگ اینڈ ایوالیوایشن، سرکاری و نجی اور مدرسہ ایجوکیشن کی ونگز قائم کی جائیں۔ وائس چانسلر ایس ایم آئی یو نے یہ بھی تجویز پیش کی کہ اسکولز کی مینجمنٹ مقامی حکومتوں کے حوالے کی جائے جبکہ کمیشن تعلیم کے اہم اداروں میں صرف سہولت کار کا کردار ادا کرے۔ اس نئے مینجمنٹ سسٹم سے صوبے کے طالبعلموں کو بہت زیادہ فائدہ پہنچے گاکیوں کہ 52 فیصد طالبعلم اسکولوں سے باہر ہیں جو کہ کے پی کے اور پنجاب سے بھی زیادہ تعداد ہے۔انہوں نے کہا کہ ماضی میں ڈھاکہ کے بعد سندھ کی تعلیم بہتر سمجھی جاتی تھی مگرآج کے دور میں سندھ کی تعلیمی صورتحال اس قدر بہتر نہیں ہے۔ اس لیے اس میں بہتری کی اشد ضرورت ہے۔کسی بھی قوم کی تعمیر میںمعیاری تعلیم کا کردار ہوتا ہے۔ ہمیں بلاتاخیر تعلیمی نظام میں تبدیلی کی ضرورت ہے۔مزید تعلیم کی خبریں
-
یونیورسٹی آف ہیلتھ سائنسز میں چوتھی پرنسپلز نرسنگ اینڈ الائیڈ ہیلتھ پروفیشنل انسٹیٹیوٹس کانفرنس،صوبائی وزراء صحت کی بطور مہمان خصوصی شرکت
-
اوپن یونیورسٹی نے داخلوں کی تاریخ میں 15مئی تک توسیع کردی
-
سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
-
اوپن یونیورسٹی کے زیر اہتمام ملک بھر میں امتحانات کل سے شروع ہو نگے
-
ساہیوال بورڈ کے زیر اہتمام سالانہ انٹرمیڈیٹ امتحانات 2024 کا آغاز ہو گیا
-
میٹرک بورڈ، جماعت نہم و دہم کے سالانہ امتحانی فارم جمع کرانے کی آخری تاریخ 23اپریل ہے، چیئرمین بورڈ
-
لاہور سمیت پنجاب بھر میں انٹرمیڈیٹ کے سالانہ امتحانات کا کل سے آغاز ہوگا
-
لاہور : 21 اپریل کو ضمنی انتخابات کے باعث انٹرمیڈیٹ کے 2 پیپرز ملتوی
-
علامہ اقبال اوپن یونیورسٹی نے سمسٹر بہار بی ایس پروگرام میں داخلہ کی تاریخ میں توسیع کر دی
-
وفاقی نظامت تعلیمات نے پانچویں اور آٹھویں جماعتوں کے سنٹرلائزڈ امتحانات کے نتائج کا اعلان کردیا
-
اوپن یونیورسٹی نے داخلوں کی تاریخ میں 25اپریل تک توسیع کردی
-
انٹرمیڈیٹ حصہ دوم (فریش اینڈ فیلیئر)اور حصہ دوم و حصہ اول باہم کے سالانہ امتحانات برائے 2024 ء میں شرکت کے خواہشمند سائنس پری میڈیکل، پری انجینئرنگ، سائنس جنرل اور ہوم اکنامکس گروپس کے سرکاری تعلیمی ..
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.