ملک میں احمقوں کی حکومت ہے ،ْ جیل دوسرا گھر ہے ،ْ گرفتاری سے کیا ہوگا ،ْ آصف علی زر داری

ویں ترمیم کے ذریعے ہر صوبے کو زیادہ حق ملا، صوبے مضبوط ہوں گے تو پاکستان بھی مضبوط ہوگا ،ْپیپلز پارٹی کے خلاف جب بھی کارروائی ہوتی ہے وہ اور مضبوط ہوجاتی ہے ،ْحکومت پکڑ دھکڑ اور بزنس مین کو مارنا چھوڑ دے تو دھندا بھی چلے ،ْ ہمیں خیبرپختونخوا اور بلوچستان جانے نہیں دیا جا رہا ،ْ میڈیا سے گفتگو

اتوار 16 دسمبر 2018 14:20

حیدر آباد(اُردو پوائنٹ اخبارتازہ ترین - این این آئی۔ 16 دسمبر2018ء) سابق صدرِ مملکت اور پاکستان پیپلز پارٹی کے شریک چیئرمین آصف علی زرداری نے موجودہ حکومت کو آڑھے ہاتھوں لیتے ہوئے کہا ہے کہ ملک میں اس وقت احمقوں کی حکومت ہے ،ْاس دورحکومت میں نہ اسٹاک مارکیٹ چل رہی ہے اور نہ ہی دکانیں چل رہی ہیں ،ْڈنڈے سے ٹیکس جمع نہیں کیا جاسکتا ،ْ18ویں ترمیم کے ذریعے ہر صوبے کو زیادہ حق ملا، صوبے مضبوط ہوں گے تو پاکستان بھی مضبوط ہوگا ،ْپیپلز پارٹی کے خلاف جب بھی کارروائی ہوتی ہے وہ اور مضبوط ہوجاتی ہے، جیل تو ہمارا دوسرا گھر ہے، ہماری گرفتاری سے کیا ہوگا۔

اتوار کو میڈیا سے گفتگو کرتے ہوئے سابق صدر نے کہا کہ ہم نے اپنے دورِ حکومت میں ہر مسئلے پر کام کیا۔انہوں نے کہا کہ 18ویں ترمیم کے ذریعے ہر صوبے کو زیادہ حق ملا، صوبے مضبوط ہوں گے تو پاکستان بھی مضبوط ہوگا۔

(جاری ہے)

سابق صدر مملکت نے حکومت پر تنقید کرتے ہوئے کہا کہ یہ انڈر 16 کی ٹیم ہے انہیں کھیلنا نہیں آتا، ملک میں احمقوں کی حکومت ہے۔انہوںنے حکومت پر تنقید کرتے ہوئے کہاکہ پکڑ دھکڑ چھوڑ دیں تو کوئی کام ہو، سیاست سوچ سمجھ کر کی جاتی ہے۔

آصف زرداری نے کہا کہ حکومت پکڑ دھکڑ اور بزنس مین کو مارنا چھوڑ دے تو دھندا بھی چلے، پیپلز پارٹی نہیں چاہتی کہ ادارے کمزور ہوں، ورنہ ایک اور جارحانہ فورس ہے جسے غلط فہمی ہے کہ ہمیں کوئی خوف ہے۔پیپلز پارٹی کے شریک چیئرمین نے کہا کہ یہ ایف بی آر سے کلیکشن نہیں کر پا رہے کیونکہ ڈنڈے سے وصولی نہیں ہوسکتی ،ْاندھوں کی حکومت ہے جنہیں سمجھ ہی نہیں، صوبے مضبوط ہوں گے تو پاکستان مضبوط ہوگا، اسلام آباد مضبوط ہونے سے ملک مضبوط نہیں ہوگا۔

آصف زرداری نے کہا کہ ہمیں خیبرپختونخوا اور بلوچستان جانے نہیں دیا جا رہا، بلاول کو کہا گیا کہ آپ کے پی نہیں جا سکتے اسی روز عمران خان جاتے ہیں۔آصف علی زرداری نے کہا کہ حکومت لوگوں سے روزگار چھین رہی ہے، کراچی کی 50 سال پرانی ایمپریس مارکیٹ کو توڑ دیا گیا، روزگار دینے کے بجائے عوام سے روزگار چھینا جارہا ہے۔آصف علی زرداری نے کہا کہ کراچی ملکی معیشت کا 63 فیصد دیتا ہے واپس کیا ملتا ہی ہم صرف اپنا حصہ مانگ رہے ہیں۔ آصف علی زر داری نے کہا کہ اداروں سے غیر جانبداری لینا ہے اختیار ہم خود لیں گے۔انہوںنے کہاکہ ہم نے اپنے 100 روز میں مشرف کو نکالا تھا۔