گزشتہ سال خیبرٹیچنگ ہسپتال میں 13 لاکھ 91 ہزار 568 مریضوں کا معائنہ کیاگیا

پشاور (اُردو پوائنٹ اخبارتازہ ترین - اے پی پی۔ 02 جنوری2019ء) خیبر ٹیچنگ ہسپتال کے ترجمان کی طرف سے جاری کردہ بیان کے مطابق ایم ٹی آئی خیبر ٹیچنگ ہسپتال پشاور کا منفرد ہسپتال ہے جہاں سالانہ لاکھوں مریض علاج کی سہولت حاصل کرتے ہیں۔ مریض پشاور کے علاوہ گردونواح کے تمام علاقوں اور پورے صوبہ سے تعلق رکھتے ہیں۔ ان کے علاوہ فاٹا اور افغانستان سے آنے والے مریض بھی یہاں علاج کرواتے ہیں۔

یہ ہسپتال 1300بستروں پر مشتمل ہے۔ جہان 35مختلف شعبے سہولیات فراہم کر رہے ہیں اور 41آپریشن تھیٹر موجود ہیں جو24گھنٹے بہترین طبی سہولیات فراہم کررہے ہیں۔2018 ء میں 1391568مریضوں کا معائنہ ہسپتال میں کیا گیا جبکہ 169.38مالیت کی ادویات مفت فراہم کی گئیں۔ 1160429 مختلف ٹیسٹ کیے گئے۔ ہسپتال میں 570 ملین کے طبی آلات کی خریداری کی گئی۔

(جاری ہے)

ستمبر 2018ء سے نئی ایکسیڈنٹ اینڈ ایمرجنسی بلڈنگ کی زمینی منزل میں طبی سہولیات فرا ہم کی جا رہی ہیں۔

جہاں تمام ایمرجنسی سہولیات مہیا کی جاتی ہیں۔ہسپتال کے یکم جنوری2018ء تا31 دسمبرتک کے اعداد وشمارکے مطابق خیبر ٹیچنگ ہسپتال میں 2018ء میں 1391568 مریضوں کا معائنہ کیا گیا۔شعبہ ایمرجنسی و حادثات میں 465951، او۔پی۔ڈی میں 885040،مریض ہسپتال میں داخل ہوئے 99476۔ چھوٹے بڑے جراحی 37061۔ مختلف اقسام کے لیبارٹری ٹیسٹ 1160429 خون کے بیگ مریضوں کو دیئے گئے 16197۔

فزیوتھراپی کے مریض 22076۔ ڈائیلیسس کے مریض شامی ہیں۔ٹوٹل الٹراساونڈ 109598۔ٹوٹل ایکسرے 123151۔ٹوٹل سی ٹی سکین 15786۔ٹوٹل ایم آر آئی 8122 ۔مفت ادویات جو مریضوں کو مہیا کی گئیں ان کی مالیت 169.38ملین تھی۔ ٹوٹل آئی بی پی کے مریض 42382۔آئی بی پی میں کل آپریشن 1460۔فاٹا زکو فنڈ جوہسپتال کوحاصل ہوا 2.5ملین ۔ فاٹاکے 1632مریضوں کو زکوة فنڈسے سہولیات فراہم کی ۔ صوبائی زکو ةفنڈ زسے ہسپتال کو حاصل ہوا 5ملین روپے سے صوبے کے مریضوں کو زکو فنڈسے سہولیات فراہم کیں ۔ صحت انصاف کارڈ کے مریضوں کی تعداد 6765 رہی۔صحت انصاف کے زمرے میں کل جراحی کے کیس 3930شامل ہے۔