ملک کو ڈیجیٹلائزیشن کی طرف لے جانے کے لئے اقدامات کررہے ہیں،
سائبر سیکورٹی کو ملک کے دفاع کی طرح ناقابل تسخیر بنانا چاہتے ہیں وفاقی وزیر ڈاکٹر خالد مقبول صدیقی کا ’’الیکٹروکیورمیٹر لس سمارٹ میٹرنگ‘‘ مشین کی تعارفی تقریب سے خطاب
بدھ 9 جنوری 2019 19:07
(جاری ہے)
انہوں نے کہا کہ وزارت انفارمیشن ٹیکنالوجی ایگنائٹ کے ساتھ مل کر خابوں کی تعمیر کرنے جارہی ہے، ہمارے دیگر منصوبوں کے ساتھ یہ منصوبہ بھی تھا کہ ایسی مشین مارکیٹ میں متعارف کرائی جائے جس سے بجلی چوری اور دیگر نقصانات پر قابو پاجاسکے کیونکہ اس وقت ملک کو دیگر درپیش مسائل میں سے ایک اہم مسئلہ توانائی کا بحران بھی ہے۔
انہوں نے کہا کہ الیکٹرو کیور میٹر لس سمارٹ میٹرنگ مشین کو تیار کرنے میں ایگنائٹ ، یو ای ٹی پشاور اور سی آئی ایس این آر نے مل کر کام کیا ہے جو قابل تحسین ہے۔ انہوں نے کہا کہ یہ مشین نہ صرف پاکستان بلکہ دنیا بھر میں ملک کی نیک نامی کا ذریعہ بنے گی کیونکہ اس مشین سے 80سے 90فیصد مسائل پر قابو پایا جاسکتا ہے۔ خالد مقبول صدیقی نے کہا کہ ملک کو ڈیجیٹلائزیشن کی طرف لے جانے کی طرف تیزی سے کام ہو رہا ہے۔ اس مقصد کو پایا تکمیل تک پہنچانے کے لئے ہمیں نوجوان پاکستانی آئی ٹی کے گریجویٹ اور ماہرین کی ضرورت ہوگی۔ انہوں نے کہا کہ سائبر سیکورٹی کا مسئلہ نہ صرف پاکستان بلکہ دنیا بھر کا ہے ، چین نے اس حوالے سے بروقت اقدامات کرتے ہوئے سائبر حفاظتی دیوار قائم کردی ہے اور ہم بھی پی ٹی اے ، وزارت داخلہ اور سیکورٹی ایجنسیوں کے ساتھ ملکر کام کررہے ہیں۔ انہوں نے کہا کہ ہماری خواہش ہے کہ سائبر سیکورٹی کو ملک کے دفاع کی طرح ناقابل تسخیر بنانا جائے۔اس موقع پر تقریب سے خطاب کرتے ہوئے سابق چیئرمین واپڈا شکیل درانی نے کہا کہ بجلی کی چوری ایک عالمگیر مسئلہ ہے مگر ہمارے ملک میں بدقسمتی سے خیبرپختونخوا ، بلوچستان ، سندھ کے مختلف علاقوں میں بڑے پیمانے پر بجلی چوری ہو رہی ہے۔جسے روکنے کے لئے جدید ٹیکنالوجی کی انتہائی ضرورت ہے۔انہوں نے کہا کہ ملک میں اربوں روپے کی بجلی چوری ہوتی ہے جب ریکوری کے لئے آپریشن کیا جاتا ہے تو چند کروڑ روپے وصول ہوتے ہیں جو کہ قابل تشویش ہے۔اس موقع پر یو ای ٹی پشاور کے وائس چانسلر ڈاکٹر افتخار نے کہا کہ اس مشین کو تیار کرنے میں یو ای ٹی پشاور نے ایگنائٹ اور سی آئی ایس این آر کے ساتھ ملکر کام کیا ہے۔انہوں نے کہا کہ ہمارے ادارے میں 17مختلف انجینئرنگ کے شعبے میں تعلیم دی جارہی ہے جس میں 10,000سے زائد طالبعلم تعلیم حاصل کررہے ۔ سی آئی ایس این آر کے ڈائریکٹر گل محمد نے کہا کہ الیکٹروکیورمیٹر لس سمارٹ میٹرنگ اپنے نوعیت کی منفرد مشین ہے جسے گھریلو صارفین اور دیگر انڈسٹری وغیرہ کے لئے استعمال کیا جاسکتا ہے اس کے استعمال سے بجلی کی طلب اور رسد کے مابین مربوط رابطہ ہو سکے گا اور بجلی چوری کو آسانی سے پکڑا جاسکتا ہے۔اس موقع پر ایگنائٹ کے سی ای او یوسف حسین نے بھی خطاب کیا۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.