دو سال قبل درج ایف آئی آر میں قتل لڑکی زندہ نکلی

ورثاء نے 2016ء میں گھوٹکی میں مسماة سسی شیخ کے قتل کی ایف آئی آر درج کرائی تھی

Sumaira Faqir Hussain سمیرا فقیرحسین منگل 5 فروری 2019 11:09

دو سال قبل درج ایف آئی آر میں قتل لڑکی زندہ نکلی
کراچی (اُردو پوائنٹ تازہ ترین اخبار۔ 05 فروری 2019ء) : کراچی میں دو سال قبل درج کی گئی ایف آئی آر میں قتل لڑکی زندہ نکلی۔ تفصیلات کے مطابق ایس ایس پی ملیرنے بتایا کہ لڑکی کے ورثاء نے 2016ء میں گھوٹکی میں عادل پور تھانے میں مسماة سسی شیخ کے قتل کی ایف آئی آر درج کروائی تھی۔ ورثاء کی جانب سے لڑکی کے قتل کی ایف آئی آر میں چھ لوگوں کو نامزد کیا گیا تھا۔

گھوٹکی پولیس کی جانب سے نہر سے برآمد لاش کو اس کے شوہر اور بہن نے شناخت بھی کیا تھا۔

(جاری ہے)

لاش کی شناخت کے بعد ایف آئی آر میں نامزد تمام ملزمان کا کورٹ میں چالان بھی پیش کیا گیا۔ مسماة سسی شیخ شادی شدہ اور تین بچوں کی ماں ہے۔ دوسری جانب بازیاب خاتون کےمطابق وہ اپنی مرضی سے گھر اور بچوں چھوڑ کر آئی تھی۔ ضلع ملیر پولیس کی جانب سے گھوٹکی پولیس کو مزید قانونی کارروائی کے لئے اطلاع فراہم کردی گئی ہے۔ ایس ایس پی ملیر کا مزید کہنا تھا کہ اب چونکہ لڑکی زندہ نکل آئی ہے لہٰذا اس کے قتل کے مقدمے میں نامزد چھ بے گناہ لوگوں کی رہائی کا امکان ہے۔